هذه القصيدة تعتبر من روائع شاعر اليمن الكبير شايف محمد الخالدي الله يرحمه
اترككم مع القصيد واتمنى تنال اعجابكم
[poem=font="simplified arabic,6,sienna,normal,normal" bkcolor="burlywood" bkimage="" border="double,2,white" type=0 line=0 align=center use=ex num="0,black""]

حرف الالف اول القيفان والحرفا=ابلج مدملج خرج يرزح بالاصفافي
والباء: بديع المحاسن كامل الوصفا=كامل مكمل صفاته حاز الاوصافي
والتاء: تقدم ومد الخمس والكفا=سلم وصافح صفاح اسياد واشرافي
والثاء: ثلاثه امامه واربعه خلفا=اسعاف تفرش طريقه لامشى حافي
والجيم: جعده ثرايا صفها صفا=سبعين سينه حظاها طول واردافي
والحاء: حواجب هلالي ضمها واخفا=غطى عليها وخلى الكهربا طافي
والخاء: خرج فوق مهره عولقي شعفا=يخرج بها ساعة النجده والاساعفي
والدال: درب جيوشه بعد ما صفا=تسعين بالمية ذي روح بها صافي
والذال: ذابت عضامي بعد ماصفى=من هزة الخصر والقامه والاطرافي
والراء: رماني بنبله باهي الطرفا=من طرف عينيه صوبها على انجافي
والزاي: زين المباسم زادني ضعفا=وزادني فوق مابي منها اضعافي
والسين: سيّب حبيبه بعد ما استكفى=رد الجزاء بالجميل الكلمه الجافي
والشين: شل الليانه والدلع كلفا=ولا افتهم لي مقاصدها والاهدافي
والصاد: صابر وقلبي خاء الف ياء فاء=واصبحت من صحبته فازع ومختافي
والضاد: ضليت خاضع له بلا شفّا=وان كان لي شف من بايقضي اشفافش
والطاء: طردني حبيبي خارج المنفى=ذي كنت اشله على ظهري ولكتافي
والظاء: ظلمني بطرده لي ولا يخفى=لو صحت مظلوم مابا احصل انصافي
والعين: عاده مخبي لي عصاء عكفا=ما قال مسكين ذي بالخالدي كافي
والغين: غبّى بوجهه مننا واخفى=احمق عنادي وعقله عقل سرافي
والفاء: فراقه بقلبي نار لن تطفاء= قصّر بحقي وانا كنت اعرفه وافي
والقاف: قال المهلى تاب واستعفى=وكيف باتوب انا من زهر مقطافي
والكاف: كم لي على حر الحمى بدفى=مكريب بالقلب يلهب مثل ما المافي
واللام: لازلت راجي من وعد يوفى=عهد الوفى ياحبايب دين واسلافي
والميم: ما فادني دكتور مستشفى=ولا دواء صيدليه منه اتعافي
والنون: ناظر حبيبي لو سمح واعفى=يمد لي من يمانه صيني شفافي
والهاء: هجرني شعف مني ولا يلفا=لو راح مني اسوفي بالف لأسافي
والواو: وحدي تركني دمعتي ذرفا=ابات مجدول بين الريح والسافي
والام الف: لا مع الحاذق ولا الخجفا=ميات واعشار جملها بالالافي
والياء: يعود النظر للتاليه مصفى=لما يجي لي من الصاحب خبر صافي
مهما جفاني حبيبي عندي العطفا=بصبر لظلمه وبتلطف تلطافي
تم القوافي وختم شين الف ياء فاء=بامشاط مسموم روسيه ويغزلافي
ثارت مثوره وجاهم بارقه رفا=سقو بسيله عواصمها ولريافي



[/poem]

__________________
[flash=http://img8.7ozn.com/files57/2012-11/ace513537791551.swf]WIDTH=550 HEIGHT=350[/flash]