~~~ لحـظات النكـد عند الشباب والبنات ~~~

نكد الشباب× البنات

--------------------------------------------------------------------------------

(( بسم الله الرحمن الرحيم ))

لحظــات نكــد

امور كثيره تثير النكد في حياتنا وتعكر صفوها


لحظات النــكد عند الشباب اولا






نكـد ( 1 )


يوم تحط خطه أنك تجلس في البيت عشان تسوي صلح بينك وبين زمزمية الشاهي وتروق وأنت توك مجمع شفايفك هالمتشققه تقربها تبي تاخذ رشفه من البيالة تخش عليك أمك وتقولك قم ودنا السوق وبنمر اختك على دربنا رجلها طالع للبر مدري سهران مع أخوياه بنجيبها معنا ... تقولها يمه أنا كومار والا ولدكم وش هالأخوات اللي مشغلينا لموزين تحت الطلب وين رجالهم .. وتقوم عشان اختك وأنت مالك خلق لان الخطه خربت وضلت العلاقة متوتره بينك وبين الزمزمية لانك ما جلست معها ( ملحوظة ترى الزمزمية يعني البراد ) .. نكد من جد

نكد ( 2 )


إذا طلعت تتعشى مع اثنين من أخوياك ويطلبون على كيفهم وفي آخر العشاء يجي وقت الحساب تشوف الأعذار اللي ابروح أغسل ويطول في المغسلة لدرجة أنك تحس ان جاي على يديه شحوم مكينه مهوب زفر من كثر ةالغسل .. والثاني يسوي يلمس مخابيه ثمن يناظرك ويطير عيونه ويقولك نسيت بوكي الله ياخذ العدو .. هنا بتقوم تحاسب وأنت في قمة النكد وتشطب من بالك بعض المشتريات اللي نفسك فيها وراسم تشتريها



نكد ( 3 )

قمة النكد يوم تطلع مشخص ومرسم وصاك الغالوقه كن رقبتك مجبصه ومنعم بتروح تغازل وترقم بحكم أنك مسوي سنفره لوجهك وتبي تشوف مدى تأثير السنفره على البنات وجاذبيتك لهم وتكتشف أنها جذبت لك الهيئة وعفطوك وسندوك جنب الاستبنة حقت الجمس هنا قمة النكد وأنت توقع على التعهد والشيخ يلسبك بالسبحه والشيخ الثاني يشرب قهوة ويرمي عليك كلمات مالها سنع وتريقه .. هنا قمة النكــد


نكد ( 4 )

وأنت في عز نومك وسعابيلك تسورب على المخدة وتشوف الورود المنقوشه على المخده تستنجد وانت معطيها نوم دون ان تحس بمعاناة المخده الي قلب لونها اصفر من شعرك وغارق في عالم الاحلام الورديه ومستانس << ياغافل لك الله .. فجأة تصحا على صوت خالي من الإتكيت صرخة أبوك يفززك من عز نومك عشان الدوام والا المدرسة .. صرخة تغرف عقلك وتخلي سعابيلك ترفع ثيابها وتنحاش لأقرب تصريف للغرفة .. ( متى نتعلم فن التعامل مع النايم ) .... قمة النكد



لحظات النكد عند البنات





نكـد ( 1 )


تتزينين وتتمكيجين وتستعدين للطلعه ومتحمسه وفجأة تلقين أمك وأبوك تهاوشوا واختلفوا وأمك حلفت أنها ما تطلع وقفلت على نفسها الغرفه ولقيتي اخوانك كل وجيهم تحت الباب يصيحيون يمه أفتحي خلينا نروح ووأحد من أخوانك منسدح على ظهره يرجف في الباب ويصيح قسم بالله لو راح أبوي وخلانا أني لاوريك ( ولد عاق ) يطلع جو البيت قمة الكآبه والنكد ...

نكد ( 2 )

قمة النكد لما تشترين بلوزه وتخططين عليها بتلبسينها في هالمناسبه وأنت طالعه متروشه من دورة المياه وتغنين ( اكيد من دورة المياه مهوب من المجلى ) تكتشفين أن أختك لابستها وتتمخطر عند المرايه .. وتتهاوشين معها هذي حقتي وهي تقولك انت عندك تنانير كثيره وأنا ما عندي الا تنوره وحده وهالبلوزه اللي تناسبها .. تجي أمك تفك بينكم وتحلف لو ما هديتوا أن تكنسل الرحلة توافقين وأنت متنكده وعارفه أن اختك عومه ..

نكد ( 3 )

تطلعين للسوق وتفرين فيه وتشوفين فستان اعجبك وبكل فرحه تسألين البايع فيه مقاس اكبر من هذا .. وهو يقولك لا مافيه يضيق صدرك وتروحين تلفين المحلات ادورين شي زين
وهالفستان في بالك وترجعين له وأنت تقولين خلاص ابشتريه وفي نفسك تهمسين ابسوي رجيم لأن وزني زايد وتغثين أخوانك وأبوك وانت جاي جب معك خبز بر والا جبن قريش وهم فارشين السماط وياكلون من كل الانواع وأنت بهالجبنة كنك مسجونة وكل يوم قبل النوم توزنين وتكتشفين أنك ما نزلتي شي هنا يكون قمة النكد ..

نكد ( 4 )

بعض البنات وجيهم وسيعه مشاء الله اوسع من الدوار نفسه .. تغثك بالاستعاره من مكياج ومن عطورات ومن ملابس وخصوصا الفساتين لدرجة أنك تاكلين زياده عشان تسمنين وتخلين وزنك اكبر من وزنها عشان ما تطلب منك شي بعد اليوم .. ومع ذلك تجي تقولك ممكن تعطيني فستانك لأن بنت خالتي نفس جسمك بعد ما سمنتي شوي .. ( والله نشبه ودك تعزمينها وتصفقينها بغرشة بيبسي او تحطين وجهها تحت ماكينة الخياطه وتخيطين ثمها

نكد (5)

أن كنت موظفه وتطلعين الصبح مع زوجك وهو نصه نايم ويلعن في المدرسة وأن رجعتي تعبانه وتقولين له أبرتاح ويطلق صرخة من قوتها يتحرك شنبه يمين ويسار كنه ميزان أبو كفه .. كل شي إلا الغداء ما أتنازل عنه أبد .. وأنت يا ضعيفه تقومين تسوين له الغداء وكلك نوم وتعب ما يصحيك الا بخار القدر إذا فتحتي الغطاء يجي في وجهك وآخر الشهر تتفكك عصبية زوجك وتطلع نواجذ اسنانه الصفر يجيك ويقولك قسط السيارة نازل وتسددينه له ... وفوق هذا تدفعين ملابسك وملابس عيالك ومكياجك .. وتكتشفين أن زوجك مجرد محرم لك فقط هنا قمة النكد ..




وفي النهايه



مهما طوقتنا لحظات النكد إلا ما يوجد بصيص نور منبثق يبعث الأمل في الحياة ويجلي الحزن بعيدا عن الصدور << بالله اش رايكم بالكلام والفصحى اهم شي خخخ

النهـــاية ...

إذا طلعت تتعشى مع اثنين من أخوياك ويطلبون على كيفهم وفي آخر العشاء يجي وقت الحساب تشوف الأعذار اللي ابروح أغسل ويطول في المغسلة لدرجة أنك تحس ان جاي على يديه شحوم مكينه مهوب زفر من كثر ةالغسل .. والثاني يسوي يلمس مخابيه ثمن يناظرك ويطير عيونه ويقولك نسيت بوكي الله ياخذ العدو .. هنا بتقوم تحاسب وأنت في قمة النكد وتشطب من بالك بعض المشتريات اللي نفسك فيها وراسم تشتريها

ابن العولقي
تقبل ارق التحايا مني
موفق بإذن الله ... لك مني أجمل تحية .

[align=center]
يســلمو على المرور ياالوصــل ... كلك ذوق
[/align]

شـكــ وبارك الله فيك ـــرا لك ... لك مني أجمل تحية . :d

[align=center]
يسلمو عـ المرور ابو علي .. كلك ذوق
[/align]

شـكــ وبارك الله فيك ـــرا لك ... لك مني أجمل تحية .

.........[ALIGN=CENTER][TABLE1="width:95%;"][CELL="filter:;"][ALIGN=center]تقبل مروري اخوك صقور[/ALIGN][/CELL][/TABLE1][/ALIGN]

وفي النهايه



مهما طوقتنا لحظات النكد إلا ما يوجد بصيص نور منبثق يبعث الأمل في الحياة ويجلي الحزن بعيدا عن الصدور << بالله اش رايكم بالكلام والفصحى اهم شي خخخ
ابن العولقي يعطيك العافية
لحضات نكد نعم
مشكــــــــــــــــــــــــــــــــــــــور تقبل اجمل وارق تحية مني

شـكــ وبارك الله فيك ـــرا لك ... لك مني أجمل تحية .

.........

مشكور على الموضوع

[align=center]
المهلهل مـنوري .. يسلمو على مروركـ ياذوق
[/align]