بسم الله الحمن الرحيم
حياكم الله
هذه القصيده من الشاعر احمدعلي سعيد القمدي
موجهه للوقت
يالله دعيناك ياعالم بما لا علم – علمت لنسان والهمته وقريته
والقيت له سمع يسمع ذاك لتكلم 0 مع النظر في عيونه منك اديته
خلقتنا من عدم من ضلع ابونا ادم 0 خلق من الطين وانته فيه رديته
انحمدك مازحم والراعد اتحطرم 0 وكل ضامي شرب من كمك اسقيته
وانا حمدك كل مالقاري قرى وختم 0 قران لايات واختم لنك اهديته
يامن رسيت الرواسي كل نيف اصيم 0 جبال واطي وشي مرفوع ووطيته
وبعد ذلحين قم ياطارشي واعزم 0 بديك مكتوب علونته وشليته
من شبوه اعزم متا ماجوها غيم 0 على عماني مديل الفين والسته
لاجا الجمارك ولا في المنفذ اترقم 0 عاد الغرى فوق جيراته ولسبيته
وحسب حسابك شعك بين الكرب وادهم 0 وخلها فل واشبر لانقص زيته
لايربشك شي على سكانه اتحكم 0 بين الشرورى وبين العبر حديته
على خراخير روح ياصبي ملهم 0 حد السعودي وحد عمان زليته
واسال من اهل النقط عل الخط واتوهم 0لان ماشي معي معروف لسميته
واويت عند الصميمي حيث هو خيم 0 مقيم في عاصمة بوظبي دليته
سلم على حمدثنعشر ميه بالمقلم 0 واربع في اربع لذي عنده ولقيته
واهديت له عطر باريسي يشمه شم 0 على كوى ذي يقول اني تناسيته
ملا زماني رماني وسط بحر اهيم 0 لااسعاف جاني ولانا ذي تنجيته
لاكنها ليك ياعالم بنا ترحم 0 وعالم اسرار بين الناس مكموته
قله جبا الخط واقره يافهيم افهم – قل ساقه المرزقي منه تعنيته
وان شي قصر ياحمد ابن حسين لاتشتم – ذا ذي يسر من بلاد القوم كديته
من اليمن كم بها ضالم وكم يضلم – وحد يحامي على بيته بجنبيته
وجرعونا الصبر والمر والعلقم – مثلي وغيري تلقى ذي تلقيته
ياحمد نسيبك لعد حلل ولاحرم – ملقي لنا حوت يوكل حوت من حوته
وانته شعك في سعه لاضقت تتنسم – مهل اليمن مثل مولا الرايه الفيته
شعنا من الجوع عل الحالات لتزاحم – حد بدل اسمه باسم امربيت بيته
ولانجح غير ذي يرشون للفندم – مضمون بيسجل عياله وذريته
ماناو يالمسب في الحجر لتلاطم – وفضل سعدان ريتنك معي ريته
ليلة بطن عند ابورباش يتضلم – قال انت مسؤل في سمي وين سويته
كم هي ملفات ذي هي ليك تتقدم – شي تعتمدها وشي بدلت وخفيته
سعدان يحلف بحلفه لو يرش الدم – كل مازقر فيك ياناصر ونفيته
ينعج قفا حالته وامسى بها يحلم – ويلك من الله ذي في الحاله اعميته
قال الزم الصمت ياسعدان لاتدرم – لما تاكد على ماسيت والقيته
وان صحت قد صاح طحطح هويالبلم – وصاح جحلان من قبلك ورديته
وصاح نواد ومشعبه وبن لكشم – ومحسن الوبر صيح هونت موحيته
وبايقع خير ياسعدان لاتهزم – في جربتك وان ماشي ضمدك اكريته
مالقمت العيش قد ربك بها ملزم – ما غيرها مايقع للشخص تمنيته
=========================جواب الوقت
يالله دعيناك بسمك لاحويت ازهم – وانت الذي تدي الداعي على نيته
وانت العزيز الكريم الواحد الاكرم – وانت الذي لاالسقيم اشكى لك اشفيته
عساك ترحم وتسقيني بما زمزم – وبعدها المصطفى عل الحوض لاقيته
ذه امنياتي ولالي غيرها مغنم – سوى رضى الله محييها وهي ميته
وابا الجماله لضيف الليل لاقدم – ع الشحم واللحم والمعصوب عشيته
ولاسرح ودعه لاخارج المردم – وبالخفا حط له في الجيب ماهميته
وافدي سعيفي بروحي حيث ماسمم – وسرحه عل الوفا والعز ضويته
واقسم لجاري ولتدين معه بغرم – ولاضمي قبل ماشرب بيدي اهنيته
ذا ذي ورثته قفا الشيبان خال وعم – ماوالدي قبل مانا شب واريته
في امجديده وفيها كمن مقدم – في جنت الخلد يابوربزه امسيته
وبعد ياهاجسي خرج من المحزم – خارق وحارق وشي كاشف ولميته
جوب على المرزقي من راس حيد اطيم – ويسمعه بعد ماصلحته وساويته
ورسله عبر هاتف حرفه اترجم – ولاعجي حرف فسرته وحليته
سلم على حمد وخوته من شقر حمحم – وعم بيته وجيرانه وجاريته
واضفا على شعب ربا كل حيراهيم-واسمه صبح حان في التارخ له صيته
وترجمتها طلع ضاو الصباح وتم – وبد نوره على الدنيا بتوقيته
ولانشد كيف حالي قله محطم – واسال من الله غفرانه وعافيته
الغربه القاسيه سمت عروقي سم – ماضلع الا على الحنواه كويته
غريب في ارض غيري هم يتلا هم – وكل ليله وانا بالصوت لهويته
ليله في الزام جر الصوت واتالم – وبعض ليام في رمله خلاويته
والبحر مره وموج البحر يتلاكم – تقول باينهب المركب بساريته
وامراض لالسبرو ينفع ولا المرهم – حد سكري به وحد به ضيق في ريته
ذا بعض من لذي لقاسي كم لقاسي كم – زمان مقلوب جربته وقاسيته
وانته في ارض الوطن يحمد تعش ونم – من بعد مقيل على شاهي وتقويته
شوقي للشعاب شوق العاشق المغرم – معذور ياذيب دنو الليل عويته
وناصرحمد ابورباش لم ولم – قد مارقع في اول ايامه وتاليته
من يوم وقع على التقرير والمرسم – وعيال شبوه تراقع بالبرانيته
والقبيله مثل ذي يخطب وهوه اعجم – وكل واحد ملصي في كباريته
ذا فصل رباش ماسعدان لاتهتم – قده يعالج وبايصبر عاى اوقيته
وماعطل من ركيز الصبل يترمم – وبايسدد من شموسه بجونيته
لاتحسب انه معول عل البلا لعضم – قروز راسه مصلع من منابيته
انشهد انه طعن لما اورد المبسم – في صدر من قال بايزقر بشاريته
وعاد ذي مقبلات الصبح طم وطم – ماشي على من تذكر له حتاويته
لاتبحث الغمر خل القافله تسعم – اخبار واسرار تكشفها لماريته
============================سلامتكم
12-16-2010, 08:17 PM
جحلان والوقت
Similar Threads
Linear Mode
