[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انت بحـياتي شي ثاني عـن الـغـيــر=تقدر تقول : اجمل حدث في حياتي
انت الــفـرح انت الـوفــا والتباشيـر=انت امنيـه لا والله كـل امنياتـي
دايم افكر لــو خســرتك وش يصيـر=وقول دايــم جــعـــــل قبلـه وفـــاتـي
من قبل اعرفك ماحسبت المخاسير=واليوم شفني ماخسرتـك واحـــاتـي
اذا افـــتـــرقنا بطلبك مطلـب صغيـر=لاتزورني بيـن الـنعــــاس ومــباتـي
اخاف لاجـــــــوني طيوفـك مساييـر=قــلــطــهـم قلبـي تعشــــوا مـمــاتـي
ماقلت لك طبع الـــوجيـه المسافيـر=ماتغيب وان غــابــت لـيالـي وتاتـي
يعني اذا بتغيب مـــــن غيـر تفكييـر=ترجع قـــبل لا ين**ـــر لـك ثبــاتـي
ولا اخذني معك مـــن وين ماتسيـر=مدامك الدرب الــطـــــويـل بجهاتـي
لو نفترض اني وصـلت السما طير=احوم حومة حـــر والريـح عــاتـي
المشكلـه انـي بـــلــيـاك مــاطــيــر=لانك جناحـي لــلمــطــيـر ونجــاتـي
الطــيحــه منك تترك اسنيـن تأثيـر=من قال لك مـــاراح تشمت عداتـي
لا والله الا طـيـــحة الدلو في البيـر=ياكبرهـــا منـك الـــملـم شتـــاتـــي
وص انت قلبك يــذكر الحب بالخير=ولا انـا والله لقضـب وصـــــــــاتـي
امانتك .. في داخلــك شوفني غيـر=وامــانتي .. لقــــربـك قـــرب ذاتـي
من كثر ماخانت غـــلاك الـتعابيـر=معاك احس اصدق كلامي سكـاتـي
لكن تعال وخـل عنـك المعـــــاذيـر=شفني شسوي وسو عقبي سواتـي
ارفع يديك لمـن يـرد المقـــاديــــر=وردد ورايـه ماتقـــــولـه شــفـاتـي
كل عام وانت بخير وايامـك بخيـر=وانا معاك اعيـش بــــاقـي حــياتـي
[/poem]