[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]


لاسامحك قال ناصر يازمن قاسي=نهار سافرة سموني بعيد الدار
اقضيت عااسمي وافكاري ولحساسي=وتشوش العقل عندي خاربه لفكار
ودعت اهلي وخلاني ونا حاسي=وصبحت عايش بغربه منعزل منهار
اسير في سجن عند الباب حراسي=مايرحمون الشجاع الفارس المغوار
ماقدرو حالتي والهم والياسي=امه ظلم عيشهم ماطاقته لحرار
مايعرفو عادني مبعد ضعف باسي=ولاخضعنا لااجل القرش والدينار
وحنا العرب اصلنا مافيه مكاسي=واهل الكرم والمبادي دي تعز الجار
تاريخنا با القمم له لون وقياسي=عبر العصور القديمه صطره صطار
باذكر الناس دي غافل ودي ناسي=ويذكرو سد مارب قبل ما ينهار
محنا من الهند جينا اومن افراسي=ولامن الغرب جينا بطلو لعذار
من اليمن اصلنا معروف والساسي=كل العرب في الجزيره عارفه لخبار
ما ينكر اصله سواء خاين وهلاسي=ونتو لكم فخر لاقلتوه يا الشطار
هذه حقيقه ولاتحتاج دراسي=هذا اليمن امنا ونا ابنها دي بار
ياشوقني يوم نس الفوج نسناسي=اشواق من قلب فيه الشوق يشعل نار
اسري مع الليل يوم الليل غلاسي=ولامع الصبح لاقد شعشعة لنوار
كم لي معذب ومتكتم على انفاسي=وشعور وحساس عندي ليلها ونهار
ماطاب لي عيش في غربه ولاباسي=لان قلبي وعقلي داخله دوار
وعلنت في ذا السنه فقري ولفلاسي=ماهو من المال فقري قل دي تجار
ضعيت خيتم من ايدي صنع للماسي=يسوا ملايين عندي والذهب وسوار
لوكان بيدي ضمنته يرتفع راسي=وريح القلب من عقب التعب دي صار
ماكان باعيش في عزله ومحتاسي=ولاطعمة الفرح ياحظي الغدار
اسنين تعبر ونا صابر ومنداسي=كل ما قضي يوم ولاشهر من لعمار
ولاتضايقت قمت اهجس تهجاسي=وطلع اشعار وحكم تبهر الشعار
كني كم الزير يركض بعد جساسي=اومثل ماقيس عقله بعد ليلى طار
يحن قلبي على شاخوف رجاسي=او مثل ماعيلماني سلبته تختار
اوماسراء دي صنع واله وكنداسي=قرب مسافات مبعد ماتراها اقصار
عاده فرق بين دي يذبح ودحاسي=وفرق في الين واليورو وفي الدولار
[/poem]

__________________
[poem=font=",5,blue,bold,normal" bkcolor="transparent" bkimage="" border="none,3," type=0 line=0 align=center use=ex num="0,black""]
بدوي وبن بدوي وليه شهرتي=وابن البداوه لاتكلم يرتفع راسي
ربوني اهلي كيف وفي كلمتي=على الوفاءوالطيب قدلي قلب رجاسي
واقف مكاني ماانثني من همتي=مثل الحديدالصلب دي في مصنعه قاسي[/poem] تحياتي للجميع اخوكم بن لزنم ابوفهد