......السلام عليكم ورحمة الله وبركاته......

بسم الله والصلاة والسلام على رسول الله السلام عليكم ورحمة الله ....احيي جميع اخواني اعضاء وزوار المنتدى اتقدم اليكم بهذه القصيده بعنوان قصة غزل والقصيده لها مناسبتها واتمنى ان تنال رضاكم اليكم القصيده :

قال الذي في بحر الاشعار سباح
اللي يعجز بالقصيد القوافي
فرايده سيقت من الفكر بقداح
والفكر لاساق الفريدات وافي
ابطيت اداري داخلي عطب الاجراح
تسفي عليها وسط جاشي سوافي
سكن بجاشي كون سكانه جراح
جرحٍ يشد وينطحه جرح لافي
جرحٍ بقلبي ساكن سنين ماراح
جرحٍ قديم وداخل الجاش خافي
وجرحٍ ثلاث سنين بالجاش ماباح
من سبته نشفت عروقٍ صخافي
واليوم ثارت به براكين ورياح
واستوت عنده مقبلات ومقافي
يقول ناصر للشعر شعرك وشاح
كل ماسمعته قشعرتني القوافي
مثل الشهاب من النيازك اذا لاح
ينهاب لو انه على القاع هافي
مبطي سؤال بداخلي عنك ياصاح
ماللغزل بأبيات شعرك مرافي
رديت واعزي لمن قام ثم طاح
شخصٍ خمع من راس رجم لهوافي
لايابو سعدى ياتعلي ومرواح
ياجايبٍ كل المراجل اكتافي
تدري بقدرك داخل القلب طفاح
حسبت اخو لا ماحسبتك خلافي
لي قصةٍ مع الغزل وقتها راح
مما جرالي من الغزل قلت كافي
لي عشقةٍ نوره سنا الشمس لالاح
في وسط قلبي عشقها ضيف ضافي
عشق الشرف بيني وبينه كماالراح
ماخالطه خبثٍ ولا فيه نافي
عشقٍ على وضح النقا عذب وقراح
صافي ومبطي عشق الاجواد صافي
بعطر الطفوله عشقنا والعطر فاح
ولافاح ريح العشق مافيه خافي
ماكننا الا روح وحده من ارواح
روحين صارت روح زود ائتلافي
ومرت سنين وراسها شال الاطراح
ومن شالت الطرحات شلت الكفافي
وبعشرين عشره عام سميته جراح
عام اربع وعشرين عام النسافي
في يوم ملكتها على الراس مرواح
كني اشيل الكون فوق الكفافي
استغفر الله صاروا العالم اشباح
اركض كما المجنون وبالركض حافي
عسى حياته محزنه مابها افراح
عسى حليله لاش ماهو سنافي
لاصرت عن شعر الغزل حيل منزاح
تلومني بالله لاقلت كافي؟؟

.......وســـــــــــــــلامـــــــــتـــــــــكـــ ـــــــــم ......

عشقٍ على وضح النقا عذب وقراح
صافي ومبطي عشق الاجواد صافي
بعطر الطفوله عشقنا والعطر فاح
ولافاح ريح العشق مافيه خافي
ماكننا الا روح وحده من ارواح
روحين صارت روح زود ائتلافي


صح لسان الشاعر
وسلمت يمينك اخي الشاطر

تقديري

__________________

تسلم الأيادي

على روعة الطرح

لا عدمنااااااااااااك

تقبل مروري

__________________
[flash=http://im73.gulfup.com/wmrB7T.swf]WIDTH=600 HEIGHT=400[/flash]
[flash=http://im71.gulfup.com/rVWAii.swf]WIDTH=600 HEIGHT=400[/flash]

تدري بقدرك داخل القلب طفاح
حسبت اخو لا ماحسبتك خلافي

كل الشكر........

__________________
[align=center][flash=http://dc02.arabsh.com/i/01935/0lji3zf27uke.swf]WIDTH=440 HEIGHT=220[/flash][/align]