فمان الله منقوله للشاعر ضيدان بن قضعان اليامي
فمان الله
فمان الله ياول من سكن بين الضلوع العوج
عسى دربك سفير وياعسى الله مايخلني
توكل لاتوادع رح عسى درب الجفأ المسهوج
يصادف درب فرقى عقبها تلمحك عيني
سبحت من الهوى ومن القصيد ومن زراق الموج
ورميت اغلا مجاديف الغرام وجيت بإيدني
ابغرق في عذابك لا رحلت ويصبح المنتوج
قصيدن في حياتي سلوتي وإن مت يرثيني
وإذا هبن بنات الريح للذكرى بدون أسروج
ابسرج مهرةالنسيان وابرحل من عنوايني
وابنسى لين اسج وابرسل الونات فوج وفوج
وابنسى دمع عيني ينتثر وانساك من حيني
صبور ايه والله اني ماثنيت العزم قبل ادوج
برضان الجفا واضمى لوصلك لين تسقيني
شجاع ايه والله اني ماعرفت الذل قبل اسوج
قدم رجلي على درب لبيت اهلك يدوديني
كريم ايه والله اني ماعرفت الشح قبل تروج
دموعي في عيوني ثم اشح بحسرتي فيني
احبك حسبي الله ليت مالك في سمائي بروج
ولالك في البسيطه كود شين بينك وبيني
دخيلك لاتفلت رح بفالك واترك المرجوج
تغانم مابقى لك ولا انا ماعاد يمديني
فمان الله سق ركبك على درب السنين العوج
ولكن طالبك لقفيت عني لاتخليني
02-16-2010, 10:29 PM
Similar Threads
Threaded Mode