oO.. الشباب في العـــــيد..Oo

الشباب في العيد!!!

خلونا نستعرض اهم الاحداث اللي تصير للشباب قبل العيد و بعده ..

1- عند الخياط ..

لازم كل شاب يستلم ثوبه الجديد بليلة العيد .. لان كل الشباب يتذكرون انهم مافصلوا ملابس الا بآخر لحظة.
.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا *** وراك عفطته .. والثاني ينشق حلقه وتطلع بلاعيمه ويناشق لان واحد اخذ ثوبه بالغلط .
.
وهذا ماسك هذا من رقبته عشان يتأكد ان اسمه مكتوب على الورقة المعلقة برقبة الثوب
..
و هذا منسدح من القهر على بطنه لان ثوب ولد عمه طلع اطول من ثوبه ..

واللي يشق راس الخياط بالمقص عشان سعر الفاتورة ...

واللي يصن الخياط ببقس على وجهه لانه طالب قماش **دة والخياط مفصل له ثوب من خامة تريكو ..
.
وهذا تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..

2- في الحلاق..

تشوف الشباب صافين بالدور .. ((يذكروني بطابور مقصف الابتدائي ))..

(((((((((((بس عن جد حالتهم تقطع القلب ..)))))))))))))

واحد يجره ابوه من كشته .. تقول نعيمية ... ..واللي يبكي لان اخوه متعود يحلقه على الصفر ..ويقول له تكفى خل لي خصلتين <<<< و هو صادق ..على الاقل تنفع قرون استشعار .

واللي مايبي الحلاق يحلق له بموس لان الصلعة حزتها بتلمع ..

واللي فاتح له عزا و يباغر عند الباب .. لان طالعه له حبة ام راس اسود بنص خشمه ..

واللي جاي يصبغ هالشعرتين اللي براسه ..
..
...واللي يبسط بالحلاق للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..

واللي ينجلط الا اكتشف ان *****وكة اختربت...

واللي يلعن الحلاق لانه قص له مارينز بالغلط ..
واللي جاي يزرع
وما خفي اعظم ......

3-صباح العيد..

ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا دروش

واللي يتهاوش مع اخته .. ويبي يتروش قبلها ...

والكل يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..

و اللي يسطر منقاش ... لان منقاش لبس طاقيته المشخله بالغلط ..

واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

واللي تحرق الشغالة شماغه..

وبعدين يرتفع صوت الصراخ .. لان الاستشوار حق اخته احترق... ولازالت كشة مهند واقفه و تسبح لرب خلقها .

واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة ..

واللي اخترب طقم الكبكات الفضة حقه ..

واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم هاوشته ومارضت تكوي له ثوب غيره <<والله شخصيات شغالتهم تشكله..!وغيره محتار ومايعرف يختار نفسة لشماغه ..

4-برى البيت..

و اللي قاعد يحش بخلق الله مع خويه .. ويقول له ::رحمت عقال فلان اللي حاشي فيه شمآغة..اللي يشوفه يقول شاريه من بسطه في الاحساء

واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية

وبعد ماتصير الساعه 8 ...
تلاقي نص الشباب هات يا تفحيط و تقحيص

... و الزحمة ..

واللي يبسط ويأجر دبابات من عند المصري..

وبس

ولا تزعلون ياشباب

تحياتي لكل الصبايا

رنــــــــــــــا

ههههههههههههههههههههههههههههه

الله يرجك
وش بلاك على الشباب

اكيد حسدانة على الشباب
لانكن قاعدات تسون كعك العيد وحلوياتة

خخخخخخخخخخخخخخخخخخ

هههههههههههههههه
يسلمووو رنووي
يسلمو ع الشرشحة مع الصباح
خخخخخخخخخخخخ
يارب يسعدك

تقبلي مروري مع أرق تحية

مشكوره رنا ماقصرتي كفيتي ووفيتي ههههههههههههههه

غريق الأحزان

دوم الضحكة يا رب

ألف شكر لحضورك و ردك

كل عام وأنت بخير

الزاخـــر

دوم الضحكة يا رب

شكري و أعطر تقديري لحضورك

كل عام وأنت بخير

بدمي كتبت همي

دوم الضحكة يا رب

و ألف شكر لـرقي حضورك العاطر

كل عام وأنت بخير

فريد

جزيل الشكر و أجمله

لحضورك الرائع

كل عام وأنت بخير

ههههههههههههههههههههههههههههههههههههههههههههههه
مشكوره رنوي على هذه الشرشحه لشباب طييييييييييييييييييييب

قلنا انك بتجلسين قاعده في حالك ولكن تبينا نحطك بروسنا

ولايهم الجاي احلى فطرنا وراح تشوفو يابنات

صقر