غرق الرياض من المطر والقلب في حبك غريق

شوف الخيال يشوقني واغفي ليا شفته وافيـق
واشوف طيفك في الغيوم ان ناض لي برّاقهـا
ترسم على كبد السما وجهك وجايٍ له بريق
ليا ارزمت ثم ارعدت والنور مـع شعّاقهـا
غرق الرياض من المطر والقلب في حبك غريق
والنّفس في الاسلام ياروحي حـرام ازهاقهـا
ادل دربي وان مشيته ضعت في نصف الطريق
تايه على مدّ النظر خطـوات رجلـه ساقهـا
واهيم كنّي لاأبو ، لاأم ، ولا عندي شقيـق
مثل اليتيم اللي زمانـه فرحتـه قـد باقهـا
ياروح روحي ياملاك الغيد ابو قلـبٍ رقيـق
حرام عيني بالسهـر عليـك زدت ارهاقهـا
الله يلعن والدين العشق وش ذنـب العشيـق
ولولا مخافـت ربنـا لعنـت يـوم فراقهـا
استغفر الله لاماهب من قلب يالحب العتيـق
قلبٍ بعد فرقى حياتـه دنيتـه مـا طاقهـا
ملعون قلب ما عشق بنت لهـا مجـد عريـق
مجـدٍ لبوهـا وجدّهـا ومزيونـة باخلاقهـا
ليا وصفته ما نصفته جل من صـبّ الرحيـق
بين البرد والجمر فـي فمهـا بـدع خلاقهـا
( وبال... ) رمان الهدى كنه صديق مع صديق
اطفال يوم العيد تحضـن بعضهـا باشواقهـا
والعين عين اللي تعلّت فوق في قمّـة طويـق
والموت كنّه يشّر بكفيـه وسـط احداقهـا
والعنق عنق الريم لامنّه مشى مشْيـة طليـق
وجدايل تعكس لنور الشمس وقت اشراقهـا
انا اشهد اني ما نصفته ليت وصفي له يليـق
عطفه ولكن في زمـان اليـوم محـدٍ ساقهـا


بدر بن تركي ( وضح النقى )


منقوووووووووول

صح لسان الشاعر
وسلمت يد الناقل
نقل رائع
شـكــ وبارك الله فيك ـــرا لك ... لك مني أجمل تحية .

يا سلام يسلم قلبك شي رائع يستاهل المرور

صح لسانك قايلها
و

مشكور على النقل سلمت يمناك ..

تحياتي

[align=center]


أبيَاتْ جميلة جداً
مِنْ يدْ ما نعْدَمها ..![/align]

شاكر مروركم اخواني ---------- دمتم بخير

صح لسان الشاعر
وسلمت يد الناقل
نقل رائع

اختيار موفق --قصيده رائعه


بوركت اخي فتى الكواسر