لقد جفت اقلامي
( عادي نشتري لك واحد جديد )




وتكسرت مجاديفي
( حاول تسبح او خليك في القارب لحد مايجيك احد يساعدك)




سابقى هنا حتى مغيب الشمس
( اقول قول بسم الله ورح البيت )




لن ادعى الاحزان تأخذني
(وش تبغى فيك علشان تأخذك مالت عليك)




لقد ابحرت وعبرت المحيطات بدون قارب
( بلاش كذب.. لا عاد قول انك عبرتها سباحة وعلى ظهرك )




لقد جمعت آهات الحزن وحنين الالم
(وش رايك لو تجمع طوابع البريد احسن لك)




هكذا الدنيا تدور وتدور
( نعرف ان الدنيا تدور من غيرك ماجبت حاجة جديده )




في ذاك المكان كنت اجلس واتامل اوراق الخريف
( الناس غدو وانت قاعد تتأمل)




نظرت لها وهي تسقط وتتناثر
( مافكرت تجمعها مثل ماجمعت آهات الحزن وحنين الالم)




اني اسمع تكسرات عظامي
( اكيد ماتشرب حليب ذبحك الديو والبيبسي )




ان عظامي تتكسر وتتهشم
( اكيد عندك صداع في العضلات )




انظر هناك خلف الافق
( نظرنا وش فيه؟؟ )




هناك حيث الامل وحيث الحياة
(لوحدهم؟ ولا احد معاهم )




انظر الى تلك الفراشة اليافعة النحيلة الهزيلة وهي تطير
( فكرتها تسبح)




سوف اعلن للعالم
(اعلن بس تكفى لا تصيح الله يخليك )




سوف اعلن للعالم ان الابداع قد مات
(( مات!!! ))




سوف اعلن ان هناك من يقتل الابداع
( اذا انت الابداع فقتلك حلال )




سوف اقف امام كل الاعداء
(الله يقويك انت اوقف وحنا معاك )




سوف اوقف زحف الاقلام التي تحارب قلمي
( تكفى ياروبن هوود )




من قال ان الابداع مات
((أنت قلت قبل شوي ولا غيرت رايك ))




سوف اريهم من انا
(( والله منت سهل ))




انا القلم الذي اكتب بلا خوف
( ياشيخ وش هاذي القووة ))




انا القلم الحر
((ليش كنت مسجون ))




سوف اكتب في كل مكان
((الله يخليك الا الجدارن لا تكتب عليها ))




اما زالت اقلامي جافة؟؟
((ترى ازعجتنا انت وقلمك خذ لك قلم رصاص وريحنا ))




هل مازلت تايه في معمعة الايام؟؟
((الي يسأل مايضيع؟ ))





سوف احقق كل اهدافي
((بس انتبه لا تطلع تسلل ))




ماقد بنيته بالامس لان اهدمه اليوم
((البلدية الي راح تهدمة ..في احد يبني استراحة وسط احياء سكنية ))




انا كنت ولا زلت وسوف ابقى
((هذا درس في القواعد؟ ))




وسوف تبقى ابداعاتي تدوم وتدوم وتدوم
((قاعد تسوي دعاية فيري ))




نحن لا نفهم
((تكلم عن نفسك يابو الشباب لاتعمم ))





الى متى ونحن هكذا
((الين يفرجها الله ))




ياللي تكتب بين الاقواس اهجد
((طيب ابشر بس كمل ..كمل ))




كل المواضيع التي لاتحمل معنى فهي ليست ابداع
((متأكد!!! ))




نعم متأكد بس من قا ل لك هذا؟؟؟
((انت من اول تتكلم والحين تقول من قال لك هذا))




من قال ان الكلام الذي بلا معنى ليس ابداع
((يوووه والله انت اللي قلت))




كنت امزح
(( بالله .... مالت عليك))




دعنا نكمل
كل الايام متشابهه ولكن تختلف في الاسماء
((كلام صحيح))




كذلك السنين متشابهه
((بس السنين مالها اسماء يعني قلنا كلامك صحيح وصدقت نفسك))




كذلك الوجوه متشابهه
((يمكن في الصين تتشابه بس هنا تختلف))




كذلك الاماكن متشابهه
((ترى كثرت من كلمة متشابهه حاول تغير الموضوع))




لو كنت اقف بجانب هذا الزمان الصعيب لكنت شبيه له من كثر احزاني
((خليك ولا تتحرك بخذلك مع الزمان صورة تشييييز ))




ياللي بين الاقواس اهجد وخلينا نوصل المعنى للاخوة الاعضاء بدون تريقة.اوكي
((اوكي))




عندما تاتي بكل الحب وتقدمه للاخرين ثم تنصدم
((اكيد كنت مسرع وقاطع اشارة ))




وقتها تعرف ان الحب بين الناس قد ضاع
((تبغى احد يدور معاك؟))




هل هذا الزمان هو زمان الحب؟
(( لا حول ولا قوة الا بالله ))




هل هناك شي اسمه حب
((يابو الشباب انت وش تبغى؟؟))




لقد تشربت عروقي من اليأس والاحزان
وبدات مدامعي تنهمر مثل الامطار
((اللهم حوالينا ولا علينا))




بعد هذا الجهد والعناء سوف اقف على قدم وساق
((مطول وانت واقف))




سوف اقف وابتسم في وجه الايام الحزينة
((ماصارت حزينة الا منك))




واقول لها
((بتقول لها بشويش ولا بتصرخ))




لا بشويش
سوف اقول لهذة الايام الحزينة ارحلي
((طيب حجزت لها اوكي ولا تبي تخليها انتظار))

لقد جفت اقلامي
( عادي نشتري لك واحد جديد )

__________________
غزاني الشيب

هههههههههههههههه

رائعة اختي سكينة في اختياراتك

__________________



[type=454575]شكرًا أماني للتصميم المميز ،،،[/type]

كلااااااااام كله تحطيم هههههههههههههههههه
اني اسمع تكسرات عظامي
( اكيد ماتشرب حليب ذبحك الديو والبيبسي )

__________________
[flash=http://up.2sw2r.com/upswf1/7tR85146.swf]WIDTH=469 HEIGHT=317[/flash]

ههههههههههههههههههههه

رائع واللة هذا التحطيم سلمت الانامل ..

تحياتي

__________________
هـنــا
قلـمي ومحبـرتي
حيـاتــــي ودمــي
آمالي ومولاتــــي
حلمــي وحــزنـي
هـنــا
عشـق بـلا حـدود
دم أحمـر وليــس خطــوط حمــراء
لا يهـمـنـي أرضـــاء الأخـــريــــن
بقــدر مـا يـهمـنــي
ارضـاء ضمـيــري

في هذا الزمن الابداع لاوجود له

(دور وانت تلاقي )


ياخوي دورت لين حفيت ما لقيت

(ياعجلك يا اخي اصبر وانت تلا قي اكيد)


يوووووووووووووه يئست

( اذا كنت قراءت الموضوع اعلاه كنت عرفت ان الابداع لا زال موجود)

ابدعتي اختي سكينه --------- دمتي ودام ابداعك

__________________


لا تخليني على الدنيا وحيد ===== لا تشوفك عين ولا اذن تسمعك
هي حدى ثنتين ما عنها تحيد ===== ياتقوم نطير 00ياخذني معك

[align=center]ذكرتوني بالمساطيل يقلع شياطينهم مواضيعهم كلها تحفه مثلهم

مشكورة سوكيننه ..![/align]

__________________


[poem=font=",5,red,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
أعرض عن الجاهل السفيه=فكل مـا قـال فهـو فيـه

ما ضر بحر الفرات يومـاً=إن خاض بعض الكلاب فيه [/poem]

ههههههههههههههه

رائع جدا ننتظر جديدك

خخخخخخخخخخخخخخخخخخخخخخخ

واللهـ رؤوؤووؤوؤوؤوؤووعهـ

تقبل مروؤوؤووؤوؤري

__________________