تبسم واترك جروحك على جنب الزمن وارتاح
حرام تطيح من عينك على شان الزمن دمعـه



انا برجوك لاتزعل ولاتزيد الجـراح جـراح
تبسم واترك جروحك على شانـي بلارجعـه


انا ادري صعب لو تنسى ولاكن الامل ماراح
ولو راح الامل يبقى في تالي من الالم متعـه


ابيك اقوى من عنادي ولو جاك الكلام رمـاح
وابي تشعل من جنونك على طاري الغلا شمعه


وابي تذكر ليالينـا ليالـي شوقنـا الفضٌـاح
وابي تسهر على شاني وتذكر ليلـة الجمعـه


ابي تذكر الى منه كمـل بـدر الجنـون ولاح
اجي وتسابق جنوني خطاوي شوقي السرعـه


كأن الروح بغيابـك بقايـا ساكنيهـا اشبـاح
وكأن القلب من بعدك غريق ويطلب الفزعـه


احبك والغلا يترجم جنونـي والغـلا ذبـاح
غرامً يكشف شعور الجنون ومسألـة وضعـه


كتبت الشعر لعيونك لقيتـك للقصيـد وشـاح
لقيتك روعة حروفي سوالف عشقـي ونبعـه


ابيك اقوى من جروحك تحدى هالزمن وارتاح
لان الدنيا ماتسوى على شان الزعـل دمعـه

تبسم واترك جروحك على جنب الزمن وارتاح
حرام تطيح من عينك على شان الزمن دمعـه

راااائعه جدا ي سارق الوجدان مشكووور ويعطيك العافيه
لـ روحك الجوري ~

المميز سارق الوجدان
انتقاء جميل بكل معاني الجمال
رآئع هذا العطاء الذي لاينضب
لك انقى الود وأجزل الشكر

__________________

ابيات روعه مثل جمال روحك بينا
سارق مميز بانتقاء الشعر
لروحك عبق الياسمين

__________________