[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

لو صار زود المال بيدين الانذال = حنا من المعروف تندى يدينا

وان كانهم شرهوا على طيب الافعال = حنا وردنا اجمامها وارتوينا

وان فكروا للجود يمشون رحال =حنا قبل يمشون يمه خطينا

يامالبسنا للشرف كل سربال =وعلى البسيطه للفضيله مشينا

في دوحه العرضه لنا مجد واظلال = واحنا على در المكارم غلينا

لو نجمع الي فات منا من المال = أن كان شيدنا القصور وبنينا

نعطي ولا نتبع عطانا بالاقوال = ونبذل ونسكت كننا ما عطينا

وان باعوا الشيمه بدينار واريال = حنا دخنا سوقها واشترينا

نطلع لها لو هي على رؤس الاقذال = لو هو عسيرن دربها ماثنينا

بفعالنا لرسم دروبن للجيال = اليا نساها غيرنا ما نسينا

أسود ساداتن تسجل للأشبال = فضايلن شمنا لها واهتدينا

بيضن نسجلهن جديدات واسمال = حفايظن لاحفادنا الاحقينا

نصبر على الشدة لو شيلنا مال = لو سال دم أدفوفنا ماشكينا

نخاف يلقا سدنا كل ختال = ويبني هزيلات المعاني علينا

الليل يا خالد على والدك طال = وغنيت ناسن بلكرا نايمينا

ياعز راسن ماخبت البال = شيآ يهول شيب الجاهلينا

شيا من اسبابه يشيب بالاطفال = فطر خشوم مهجرعات الحنينا

عندي مقالاتن عريضات واطوال = ابياتآ تخلي المخفاء يبينا

منهن رزين العقل بالوقت يهتال = وقتن عبوسن فطن الغافلينا

وقتن من اسبابه شكى كول ريبال = نصبر ونسكت كننا غايبينا

والناس مع الايام راحل ورحال = تاخذهم الدنياء وهم تأئهينا

وحيات ربن نزل آيآت الانفال = عالم خفايا نية الحاقدينا

ماترك طريق العدل في كل الاحوال = لو يرحل المريخ لرقى الينا

[/poem]



كتب كلماتها الشاعر العتيبي