يا ذيب أنا اوصيك لا تاكل الذيب كم ليلة عشاك عقب المجاعة





ذيب بن شالح رحمة الله مات و لم يتجاوز عمره الـ 25 سنة

ووالده : شالح بن حطاب بن هذلان الخنفري القحطاني توفي عام 1340هـ وعمره 100 سنة


---------------------


يا ذيب أنا يابوك حالـي تـردّى
وأنا عليك من المواجيب يا ذيب
تكسب لي إللي لاقِحٍ عِقب عـدّا
طويله النسنوس حرشا عراقيب
تجر ذيـلٍ مثـل حبـل المعـدا
وتبري لحيران ٍ صغار ٍ حباحيب
وأشري لك إللي ركضها ما تقد
اماحدٍ لقى فيها عيوب وعذاريب
قبا على خيل المعـادي تحـدى
مثل الفهد توثب عليهم تواثيـب
أنا أشهد أنك باللـوازم تِسـدا
لو حال من دونه عيال ٍ معاطيب
ليث ٍ على درب المراجل مقدّى
ما فيك يا ذيب السبايا عذاريـب




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,





يا ربعنا ياللي على الفطّـر الشيـب
عز الله أنـه ضـاع منكـم وداعـه
رحتوا على الطوعات مثل العياسيـب
جيتـوا وخليتـوا لقلبـي بضاعـه
خليتـوا النـادر بـدار الأجانـيـب
وضاقت بي الآفاق عقـب إتساعـه
تكـدرن لـي صافيـات المشاريـب
وبالعون شفت الذل عقب الشجاعـه
يا ذيب أنا بوصيـك لا تاكـل الذيـب
كم ليلـةٍ عشّـاك عقـب المجاعـه
كم ليلةٍ عشّـاك حِـرش العراقيـب
وكم شيخ قوم ٍ كزتـه لـك ذراعـه
كفـه بعدوانـه شنيـع المضاريـب
ويسقي عدوه بالوغى سِـم ساعـه
ويضحك ليا صَكّت عليـه المغاليـب
ويلكد على جمـع العـدو باندفاعـه
وبيته لجيرانه يشيّـد علـى الطيـب
و للضيف يبني في طويـل الرفاعـه
جرحي عطيب ولا بقى لي مقاضيـب
وأفخت حبل الوصل عقـب إنقطاعـه
كني بعـد فقـده بحامـي اللواهيـب
وكني غريب الـدار مالـي جماعـه
من عقب ذيب الخيل عِرج ٍمهاليـب
ياهل الرمك ما عاد فيهـن طماعـه
قالوا تطيب وقلت : وش لون أبا طيب
وطلبت من عنـد الكريـم الشفاعـه




***


ثم أردفها بقصيدة على نفس البحر والقافيه وقال :





ذيبٍ عوى وأنا على صوتـه أجيـب
ومن ونتي جضت ضواري سباعـه
عز الله إني جاهل ٍ ما أعلم الغيـب
والغيب يعلم بـه حفيـظ الوداعـه
يالله يـا رزّاق عِكـف المخالـيـب
يا محصي خلقـه ببحـره وقاعـه
تفرج لمن صابه جروح ٍ معاطيـب
وقلبه من اللوعـات غـادٍ ولاعـه
إن ضاق صدري لذت فوق المصاليب
مانيب من يشمـت فعايـل ذراعـه
صار السبب مني على منقع الطيـب
ونجمي طِمَن بالقاع عقب إرتفاعـه
يا طول ما هجيتهن مـعْ لواهيـب
ولاني برادي كسرها مـن ضلاعـه
ويا طول ما نوختها تصـرخ النيـب
وزن البيوت إللـي كبـار ٍ رباعـه
وأضوي عليهم كنهم لـي معازيـب
إليا رمـى زيـن الوسايـد قناعـه
أضوي عليهم واتخطـى الأطاتيـب
وآخذ مهاويـه الجمـل باندفاعـه
أبا أنذر إللي من ربوعي يبا الطيـب
لا ياخذ إلاّ مـن بيـوت الشجاعـه
يجي ولدهـا مـذرب كنّـه الذيـب
عِز لِبُـوه وكـل مـا قـال طاعـه
وبنت الردي ياتي ولدها كما الهيـب
غبـنٍ لبُـوه وفاشلـه بالجماعـه
يا كبر زوله عنـد بيـت المعازيـب
متحـرّي ٍ متـى يقـدّم متـاعـه




رحم الله ذيب و رحم والده و جميع موتى المسلمين


منقول,,,

مشكور اخي العقيق اليماني على طرحك للكلمات الرائعة من ذئب
ووالدة والله يرحمهم ويسكنهم جنات النعيم ولك مني التحية والاحترام

__________________
[flash=http://www.7ozn.com/uploads5/e4351381958090281.swf]WIDTH=600 HEIGHT=400[/flash]

شـكــ وبارك الله فيك ـــرا لك ... لك مني أجمل تحية . مشكور اخي الفاضل على هذه الابيات الرائعة ويعلم الله اننا استمتعنا بها وشكرا جزيلا لك عليها.

وكم شيخ قوم ٍ كزتـه لـك ذراعـه
كفـه بعدوانـه شنيـع المضاريـب
ويسقي عدوه بالوغى سِـم ساعـه
ويضحك ليا صَكّت عليـه المغاليـب
ويلكد على جمـع العـدو باندفاعـه
وبيته لجيرانه يشيّـد علـى الطيـب
و للضيف يبني في طويـل الرفاعـه
جرحي عطيب ولا بقى لي مقاضيـب
وأفخت حبل الوصل عقـب إنقطاعـه


روعه ايها القلم اللاذع والساطع والمتألق

__________________

انا اسمع ابوي يغنيها....
بجد روعه...
الله يعطيك العافيه..
تقبل مروري

__________________

بسم الله الرحمن الرحيم

السلام عليكم ورحمة الله وبركاته

شـكــ وبارك الله فيك ـــرا لك ... لك مني أجمل تحية .

__________________
]


يا رجل عصر الرخا والعز ما يبطي@@خل الكبر واتبع المعروف ودروبـه

لا تاخذك فلسفـات العالـم النفطـي@@وتقول قدر الرجل مرهون بجيوبـه

والله ما يفرق الاسود عن الحنطـي@@الا بدينـه وباخلاقـه وبـا سلوبـه

واللي يمن بجميله بعد مـا يعطـي@@مثل المطر في البحر ما يترك عذوبه

والكلمه الصادقه لو تجرح المخطي@@احسن من الكذبه اللي تستر عيوبـه

القلم اللاذع حياك الله يالجودي وابقاك وحفظك الله ورعاك من كل شر ياغالي وشكراً لك على هذا النقل الموفق والرائع اخي ننتظر منك المزيد

تقبل مني خالص الود والاحترام والتقدير

الدياني خوره@