يوكلون الثمر واهله يشوفون

هذه الأبيات مرسله للشيخ/محسن أحمد صالح بن فريد العولقي

من الشاعر/حسين احمد بن ناجي بن بريك

شركة الغاز مدوا ضغط عالي *** والخواجه مصيبه

والجنوبي قفا القطب الشمالي *** جاه للظاهره لا حيد سلمون

ياقريب الفرج ترفق بحالي *** شف حياتي صعيبه

قسموا رزقنا ذا لك وذا لي *** يوكلون الثمر وأهله يشوفون

روّح النفط وأنتوا في جدالي*** بين كاكه وشي به

باسكم في خلا في خبت خالي*** قيّسوها سوا لاما تقيسون

قال بن ناجي اتغبّت جمالي *** وين جات المنيبه

ذي تنوّش بلحمال الثقالي *** قبضوني خطمّها لاتغيبون

باهتري بالعوالق والهلالي*** وسعد وحميّر قريبه

والعٌبيدي ونعمان الدوالي*** يطرحون المكاوي فوق لمتون

والمصاعب وبلحارث رجالي*** هم ولشراف هيبه

والحبايب على رأسي وشالي*** بلغوهم سلامي الف مليون

وال بو شاخ قدهم رأس مالي***قوم نحس الحريـّبه

والرجاله لمثنين الفعالي*** شل خنجر ابو حدين مسنون

ياقناة الفضاء بثي رسالي *** من مواقع رهيبه

من قمم عاليه روس الجبالي*** حلتك يالقطامي لايحلون

قل لهم وادنا للسيل سالي***ظم وده خصيبه

ظمها كلها والبحر مالي*** بايعدي سقطرى هي وميون

وأنت يالحيد لسود لاتبالي*** من طمع شيء يجيبه

سرّح القافله أول وتالي*** واخبطوا بالعصاء في رأس فرعون

لذكر العام حصنك كان عالي *** والشرف تعتلي به

كان مبني وله اربع نجالي *** ساس مبني على حكمه وقانون

قد سمعنا لقاكم والجدالي***والحكايه غريبه

نسألك ماتجوب ع السؤالي*** فسروا رمز حرف الكاف والنون

ذا صدر لك وعاد الكيس غالي*** راتبي مايجيبه

والحنب في المره هي والعيالي*** لا بدينا وهم مره يصيحون

بالكسّر حلقها والقفالي*** عند شيبه وخيبه

والنبي ماحسبنا للتوالي *** ياسبستل على كلم سبأفون

ختمها مالما بارق شلالي*** واليمن تستقي به

والخمج يعقبه صافي زلالي*** رحمة الله فرج ماكان بيكون