[poem=font=",6,darkred,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
ابديت بك ياخالقي يامـن إليك الخــاتمه = يارب لـي ولوالديـني طالبك حُــسن الخـتام
يارب واجـعل رحمتك رحـمه لعـبدك راحـمه = يارب عفوك والرضـاء والمغفره يـوم القيام
يافرد لا يخـفاك شيء والحال وحـدك عالمه = عالم بسرّي والخــفى , لا ريـب عينك ماتنام
وبعد عشتي يا عـــدن حره وانتي العاصمه = واحنا رجالش ياعدن في الحرب من قبل السلام
بالـدم نفـــدي تربتش ومـن تخــلّف لآومه = حـتى يــؤدي واجــبه يمـضـي معانا للأمـام
يقول بن عـبثان أنا بـداع سـعد الظالمه = في قلب شـبوه مطرحـي بين المنيفات الجسام
في واد حــبان الأبي بين الحيود الجاثمه = عالأرض شــمّخ راســيه مافوقها حـيد استقام
يشهد لنا ماضـي وحـاضر والسنين القادمه = إنّا لــساود من نخانا في الشـدايد مايُضام
مادام كـنده مرجعي وكـر النمور الناهمه = بنهم ولاشـي همـني والجــوهره في راس هـام
وأنا الجـنوبي ماعتذر وقت الامور اللآزمه = ياويل خـصـمي وقتها داخــل ميادين الصدام
حتى البريطاني شـرد من نار حمراء ضارمه = وكل غازي تحـرقه فوهــة كـريتر , ياحـرام
والليل ويـن المـاربي لاهو نـسي باداهمه = واغـزيه لما موقـعه جـاهز بدرعي والحـسام
مابا اتركه يشـطح بقوله يوم نفسه واهمه = انه بقيفانه نصــع كــبد الحقيقه بالتمام
جـاني جـــوابه لولي توفيق ماهـو فاهمه = ماشي سوى التجـريح به لهل المروات الكرام
مضـمون قيفانه جــفاء واجراس لا متناغمه = ماغير لحــن اليافعي جـبـّر كسيرات النمام
واليوم قد حان الوفاء ياهاجسي قم هاجمه = ما فادة الطـيبه مــعه ولا كثير الإحــترام
هذا أنا ناطق عــدن ثغر الجنوب الباسمه = يامن سلبتوا من عــدن سـر المرح والإبتسام
يامـن جعلتوا دمـعها مـن دم تنزف نادمه = يامن جعلتوا حلمها مـن كيدكم يصـبح حـطام
وأبين كــذا هو حـالها تُقصف بقوه غاشمه = حــتى تشــرد أهلها بأسـباب اذناب النظام
تحــت المسمى قـاعده تمـسي سماها قاتمه = حــتى محــوها كـلها عـلى ســبيل الإنتقام
يكـفي كـفا من قربكم ماشـي فوايد ناجمه = والفيد ذي من عـندنا يـسري الى سكـّان سام
حـكام صـنعاء حكمهم حـسب الأمور الخادمه = وارض الجنوب الطيبه في عينهم وجـبة طـعام
ماهـمهم من وحــدتك ولا الشؤون العــآمّه = للمصلحـه دســتورهم لازم يبـدّل كــل عــام
رغـم اختلاف أحزابهم من شـأن سلطه دائمه = تمثيل أكـشـن والبطل لحــمر يقلّد فانـدام
والمقترح ياصــاحبي بازل ويتبع خــاطمه = عــاده خـطامه مـع علي ذوّاد مافك الخـطام
حـطه مكانه بالرضاء ماحـد على ذا راغمه = قـد عــبدربه قـالها ياذي تزنـون الكــلام
وانته بنفـسك معترف إن الزيود الحـاكمه = بل انـهم لن يسـمحوا للغير يمـسك بالزمام
وعــظم الله أجــركـم ياذي دفـنتوا سـالمه = ثـوره , ولكن ضعفكم اضحـى بها تحت الركام
ماشـي بـدا لك منها تغيير بل هـي هادمه = والذنب ذنـب المشـترك قصده بها يبلغ مرام
واحنا هدفنا نبلغه يا سـلم او بالحاسمه = أرضـي وجـب تحـريرها لو تشعل الدنيا ضرام
لاحـد يغـره سلمنا باكــر تقـوم القايمه = حــتى ولا ما ودنا ندخــل معـاكم في خـصام
ياشــيخ مثلك نكــسبه ياخير لحيه غانمه = لكــن قـد بعـض الكـلم مـن قالها لازم يُلام
تميت وانـته ياعـسـى ردك لقـولي داعـمه = وان ما يطيعـك هاجـسك مفروض يتلجـم لجـام
والختم صلوا واذكروا مالغيث شـنّه جاهمه = وكـل مالراعـد رعـد والبرق في لقناف حـام
صلوا على سـيد البشر نور الهدى بوفاطمه = يالله عسى يشفع لنا يـوم اللقاء يوم الزحام[/poem]







[poem=font=",6,blue,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
يالله يامجري البوارج فوق بحرك عايمه=يامنزل الماطر على الجدبا من اقناف الغمام
سالك بجاهك نجنا من كيد طغمه حالمه= تسعى لزرع التفرقه والضرب من تحت الحزام
واحم البلد والشر رده طالبك لا راسمه =وانصر دعاة الحق سالك ياصمد دايم دوام
والليله القيفان في راسي ضوت متزاحمه=صدر بهن هاجوس وقت الصدق ينشب في الشغام
وبعد حيا البدع لي جاني وحيا ناظمه = ترحيب به مخصوص ينفح بشمطري والخزام
ترحيب من يستر قلبه لاضيوفه والمه=يملى حريب العز لي منها بكت عين الامام
منها خرج زبن الله احمد والرجال الحازمه=وانشد على زبن الله احمد مسند القرم الهمام
وابطال مثل الشاجري كنها النسور الحايمه=ضحو ومن اجل اليمن كانو يقودو لقتحام
رحبت بك لادار نفسي في ثراها هايمه=وحبها منذ الصغر يجري مع مخ العظام
بدعك وصل لكن اسف يحمل قوافي قاصمه =شي منها شخصي ولا اتوقعت منك ياغلام
قلت ان ردي به خلل مافيه جمله سالمه=ماغير لحن اليافعي جبّر قصيرات الكمام
مقبول ما انته قلت يامولى الحروف الصارمه=والعفو لازودت اونقصت في ردي جرام
ذا فصل والثاني مكانك بعد شله عاشمه=انها تفرقنا وتسعى لجل ترجيع الدرام
وضحت لك في الرد حول اهل النوايا الأثمه =وانته على منته تقول الحال مافيه انسجام
مثلك مغرر به ولاقد زل مانا لايمه=مبرمجين افكارك الخبره عديمين الذمام
قلنا لك اعقل ذه شلل ضدي وضدك حاتمه=والدعم صهيوني يصلهم والمدد من خام رام
ماهم سوا قله قليله للبلاى متعازمه = واهل الجنوب الوحدوي يزخر بكمن جيد هـــام
ماهي عدن وابين فقط تهضم وصنعاء الهاضمه=مارب وصنعاء نفسها ثارت وسوت لعتصمام
كله سبب دوله على قلب المواطن كاتمه=وانزاح ذا الكابوس واسقطنا خفافيش الظلام
والقاعده مابنكرك لعبه قبيحه ناجمه= عن قهر من سلم زمام الامر بسباب الخيام
والمقترح ان طعت ولا الناعيه والاطمه = تنعيك والجرذان يندبهم ثراهم والمدام
مع الرئيس الحر بن هادي وباقي طاقمه= قد قلت لك فرصه نشجع شافعي ضد اللئام
والمشكله عقليتك لجل المشاكل خارمه =اغوك لاما اصبحت تخرم للبلاى ضدي خرام
هذا وطن واحد وشعبينه سوا متلاحمه=رغمً على انف المخرب لي يروم الانقسام
وش بايضرك عام ولا اثنين ماهي الحاطمه=يمكن يمنا تصلح اوضاعه قفا صبغ البهام
حتى ولو اهل المشترك واهل الكروش الوارمه= شلو الحكومه والنشاما مااعتلو فوق السنام
ان حققو المطلوب ولا يبشروا بالعارمه=امواج تتلاطم عليهم وانهم تحت الرزام
هذا ولا تحلم ترى كلمه خفيفه ناعمه=بذات لاهي عن وطن ابشر معي لك سم سام
واختم بذكر المصطفى مشفي القلوب الساقمه=عداد ماالحجاج تتوافد على البيت الحرام
صلاة توصل له وتسليمي سواء متلازمه= وال بيته كلهم تغشاهم ال آل الكرام [/poem]