مشوار عاجل عليك الله توديني

المشاركة الأصلية كتبت بواسطة عبير الود

[poem=font=",7,black,bold,italic" bkcolor="transparent" bkimage="http://www.khorh.com/vb/mwaextraedit2/backgrounds/89.gif" border="double,4,black" type=2 line=0 align=center use=ex num="0,black""]
يامركب البحر ياماشي على عقده= ماكنها اللي شراعاتك تناديني

ياماخر البحر انا اترياك من مده=مشوار عاجل عليك الله توديني

يبيض شراعك تعب قلبي من الصده=همي بدنياي يامركب معنيني

احايل الوقت واترجاه واعده = ومكانه الوقت لاجاني يعديني

يسل سيفه على الاحلام ويحده=وقدام عيني يضيع اجمل اسنيني

تعبت اداريه واتحرى انا وده=وماغير يقسى علي كنه معاديني

ويدمي القلب لاجيت اسأله رده=لا قلت له ليه ياوقتي مجافيني

يقول مالي بريح الورد مع وده=ولا زمان المشاعر عاد يعنيني

مالي سوى بالقساوة واعشق الشده=انا القلوب القوية بس تعنيني

وغدر وخيانة مع احلام منهده=ولكل عياب دايم تصفق ايديني

مالي بمن سالت احاسيسه على خده=لا هوحساسي ولاهي دموع من عيني

لا تزعجيني يصيح الوقت في حده=ودك على غابر الماضي تعيديني

تنهد الحرف من باسه ومن وجده=وقلت ياوقت اشوفك قمت تطريني

طول الزمن والنحل يسقي الناس من شهده=ولا زالت الشمس بضحاها تدفيني

والبحر لا زال يلعب جزره ومده=وباليل الدجى لازالت القمرة تسليني

ماهو بذنبي اذا قلبي شبيه بطفل في مهده=موازينكم ياوقت ماتشبه ميازيني

وماهو بيدى اذا لي ملمس الورده= وحتى النسايم اذا اشتدت تبكيني

ربي خلقني كذا ياوقت بك رِده=واللي خلقني محال انه يخليني

يامركبي انثر شراعك يالله وشده=ماعاد لي فالاماكن شيء يعزيني

وش حيلت اللي سقط غبنه على يده=خذني ترى بالحشى ثارت براكيني

خذني لجزيرة فقط تسكن بها الوحده=وارجع شواطيك يامركب وخليني[/poem]

كلماتي

اختي عبير الود
لله درك ما أـجمل هذه الدرر صح لسانك وعلا شأنك
كلمات تهيض المشاعر وترسل لنا وجدان كيان شاعره متمكنه بقووة
سلمت اناملك وفيض مشاعرك وهمسك الرؤؤف بالود
ابداع شعري من العيار الثقيل طاب لي المكوث ولاستمتاع
لاعدمناك اختي الغالية ولك مني اطيب الامنيات والتحاياي
مودتي وودي لقلبك