محتار والحيره في القلب الكتوم=وفي داخل القلب السلي حاجات مكتومه
والصبر على الشدة تقاديم العزوم=وديم حب الصعب وتعلواه وارومه
وسهر انا والبدر وحيان النجوم=وفي خيالي صورة المحبوب مرسومه
قهرتني ووجعت قلبي والعضوم=وتجيب لي كلمات قتاله ومسمومه
خليتني مثل المعذب بالسموم=وجافت عيوني النوم خشية تظهر حلومه
متى تقع لحظات ما فيها رسوم=وتكون لحضات القا حلوه ومحسومه
ونلتقي وتجيب لي تاك العلوم=ونا محضر لك دلايل كل معلومه
وقول لك ما ضاقت الا على الرخوم=اما عيال الاصل في عزه ومحشومه
شفني على ابداعي ولا نا شي خطوم= وجيب لك لو تشتهي حاجات معدومه
شربي كرع صافي مصفى من صروم=ولا تدنا حيث كل الناس ملمومه
ان كان باتقدر معيه على الهموم=ولا صباح الخير قم صبحي غطى انجومه