السلام عليكم ورحمة الله وبركاته


الاخوه الكرام هذه قصيده خاصه قلتها قبل ايام

وقلت بانزلها عسى تنال استحسانكم ,,, وعسا ترثون وتدعون ...
[poem=font=",6,blue,normal,normal" bkcolor="transparent" bkimage="" border="solid,1,orangered" type=0 line=0 align=center use=ex num="0,black""]

قال الفتى ونيت ونات=اكروز لا علو السماء طار
شمت بسرب العدو شمات=لا بق له كبتن وطيار
ونيت والونه بحنات=ونيت منك يازمن جار
صورت لي في البعد جنات=وابعدتني من ديرة الدار
واحرمتني من زين لوقات=واحرمت عيني لذة ابصار
واسقيتني بالمّر فرقات=أذن عيوني ليل ونهار
شنت هجوس الهم شنات=والقلب شغل زر لنذار
واصطاب منها القلب علات=ما له دواء إلا حيث ما شار
مشتاق لك يا نور ظلمات=ظلمه عليّه وين لنوار
اروي ظما شوقي بنظرات=وطفي غليلي حوج يا نار
كم لي مع رياح(ن) مهبات=كم لي ودمع العين مدرار
اشكي لمن مليون مشكات=العون يا عالم بلسرار
قظي ليولي في الملمات=خاف السلا في نغم لوتار
زاور كباري الخرج بذات=كم لي وجيها كم ويا دفار
مزروع لك في القلب نبتات=واليوم قدها مثمر ازهار
يجري عليها الدم سوقات=سوقه ولا ساقت بها امطار
طبعه قليبي شل شلات=وحمول ثقل حيود واحجار
يكفي ترى يكفي بذي فات=صبر المعذب لا طِول ضار
في الحب لي صوله وجولات=طالت ولا قلبي بها حتار
إلا بحبك ذقت ويلات=معذور يا قلبي بلعذار
هيهات يا روحي وهيهات=يسكن حلالك بدر لبدار
اقسم قسم وحلف بحلفات=الــروح لك والقلب لك صار[/poem]

وسلامتكم ....

مع تحيات / ابــــــــــــــــــــــــــو عـــــــــــــــمـــــــــــــــــــــر