يالله عسى بعض الغلا ياقايد الغيد مخلوف
ان مارجع ربحه علي الله يرده راس مال

كم لي وانا تكويني الدنيا على روس الكتوف
واشيل مالاطيق من شانك واحملها الجبال

وياما على شانك تحملت الخناجر والسيوف
وياما على شانك ليامن ضقت شديت الرحال


وقفتني بالشارع الضيق وممنوع الوقوف
مسار واحد والمصيبه لايمين ولاشمال


تقول طوفها معي واقول عيت لاتطوف
اجيبها منا تجي منا ولافيها مجال

والحب ماينفع معه فزعه ولا واو معطوف
الحب لو زالت جبال الارض ذكره لايزال

يرقى على حبال الوصال ويخدمه نبض الحروف
شوي من نسج الغلا وشوي من نسج الخيال

وش عاد لو غنيت طاروقك وصفيت الصفوف
صف يبا ياقف معي وصف ليامن رحت شال

والله لتبطي ماوصلت ادنى مواصيل الهنوف
الجادل اللي دمعها لارحت والا جيت سال

الجادل اللي طيفها عندي ولا كل الطيوف
ام الغلا وام الحلا وام الدلع وام الدلال

والا انت حبك في حياتي ظرف من ظمن الضروف
اقلط على نزف الشعر والفال يقفاه العقال

اول ماكنت اسمع واشوف والحين صرت اسمع واشوف
اتعبت رجلي في هوى نفسى على روح وتعال


الشاعر محمد بن مريبد العازمي

بن ياس
اسعد المولى مسآك وعطره بالخير
لله درك أيها الرآئع على هذه المعزوفه
والمتمرد بالجمال والنقاء
تسلم يمينك على مآ نقلت
وباقة ورد

اختيار جميل و كلمات اجمل ....مبدع دائما بكلماتك و انتقائاتك لا عدمنا منك الابداع و التميز يا ملك الحرف ....دمت بخير و سعادة

واسعد الله روحك وحياتك ي عاشق الرومانسية
كم أسعدني حضورك واثلج صدري بكل ما تعنيه الكلمة
عميق شكري وتقديري لسموك الكريم
تحية معطرة لروحك ب المسك

مرحبا مليون ب سيدة نساء بشبكة خورة العربية
مرحبا ب فيتامين الغرام
كم أسعدني حضورك وأناقة كلماتك وردك
عميق شكري وامتناني لمرورك العطر
تحية معطرة لروحك العذبه

نص ممتد بَ الجمال
جميل " بن ياآس " كـ كل مرة
أي تعليق في حق حرفك إحساسك واختيارك للمواضيع المميزة هو الفقر مقابل الغذاء

؛
شكراً وألف شكراً لَ جمال الحرف ورقه الإحساس🌹

ومن جمال حضورك إكتمل الجمال والأناقة
لولو الحالمه. ..
أسعد الله مسائك ي أميرة خورة العربية
اطلالتك تكفي عن ألف كلمه شكر وعرفان
لروحك العذبه أجمل تحية من اعماقي

إقتطاف جميل يَ بن آوس ~

أَلف ششُكر عالموضوع , يعطيك أَلف عافيه على هذا المجهود ..
و عسـآك عالقوة يـارب ,
لك أَصدق المحبـّه وأَجمل التحايا.