كلمه أخيره ,,,,,

السلام عليكم ورحمة الله وبركاته
كلمه أخيره قبل ماروح وتـــــــــروح **** كلمه أخيره لو عيوني تشيــــلك
الصحبه اللي كلها هم وجــــــــــروح **** يجرف بقاها كم تجريح سيـــــلك
اللي بقيلك دمع تذرفه وتنــــــــــــوح **** هذا ترى من صحبتك مابقــــــيلك
أثرك بخيل وصحبتك بخل وشــــحوح **** أعطي وتبغا كل حاجه تجــــــــيلك
ياما رفعتك فوق هامات وســـــــفوح **** وعزّيت نفسك يوم ذلّك ذليـــــــلك
مبطي وأنا مسكنك في داخل الــروح **** مبطي أشوف الشين يلبس جميلك
مبطي أصوّر بسمتك تظهر البـــــوح **** بسمه خذت قلبي بظلمات لـــــــيلك
تلعب معي بالحب ضحكات ومــزوح **** مترقّب الساعه لشلّال ويــــــــــــلك
تسكب دموعك جم وتأوح لــــي أوح **** تخفي سهام الغدر من بسمتـــي لك
أشغلتني في حب عنوانه النـــــــوح **** أشقيتني في درب كذبك وحــــــــيلك
غشيتني نجمه تبيّن وبوضـــــــــوح **** سهّرتني كذبه بظلمك وميـــــــــــلك
أغريتني غيمه وسط عالمي تلــوح **** أسقيتني ماي الغدر من سبيـــــــلك
أعطيتني فالحب آمال وطمـــــــــوح **** أحسب نبيل الحب ذاته نبيـــــــــــلك
ماقول روّح أنت بالحيل مســـــموح **** دامك خذيت القلب وش حاجتي لك
أبغا قليبي وانت ياصاحـــــــبي روح **** تلقى بديل غير وألقى بديـــــــــــلك
علقتني تعليق من علّق اللـــــــــوح **** واهدرت دمي ياحسافة قتيــــــــلك
صعبه أشوف القلب بايديك مطروح **** وأصرخ أنادي هات قلبي دخيـــلك


مما راق لي واحببت طرحه لكم