السلام عليكم حبت اشاركم بهاذه القصيد ولتمنى تنال رضاء الله ثم رضاكم
قصيده بها عدة الغاز الكل يشغل مخه
ياقصيدي لاغفا الليل وأقفا فـي سبـات
علمه وشلون يصحـا ضميـره لارقـد

واسأله عن قصة الكهل والسبع البنـات
سبع تنافـت مـع قـل هـو الله احـد

والكهل له عدة اسماء وله عدة صفـات
بين وخافي يحـب المنـازع والحسـد

له ثلاث اسماء وانا اقـول يالله النجـاة
جعل ماهو لي صديق وماهو في البلـد

واسأله وش قصة اربع طعش متتاليـات
فيهن المر المرير ووسطها طعم الشهـد

سبع منهن قاسيـات عظـام مهلكـات
وسبع فيهن الناس تفرح اليا دن الرعـد

واسأله وش اسم ناطق مالـه شفـات
يدعي العالم وصوتـه يبشـر بالسعـد

بدوي يزعج الصوت من بعـد الصـلات
فـي حياتـه ماركـع لله ركعـه ابـد

واسأله وش اسم راعي فعـول طيبـات
مجلسه مجلس نشامى وهو نشمي بعـد

ياكثر ماسولفـوا بـه وبأفعالـه روات
مع هذا كله ولا مـد لـه فنجـال احـد

واسأله عن بنت اصغر شوي من النوات
فضلها على بن آدم سـواة جبـل احـد

في بحر تسبح ويمشي بها علـم ثبـات
ماتفرق بينهـا النـاس بنـت ولا ولـد

واسأله عن واحد له ثـلاث محركـات
ان وقع فيهن صحا وان سلم منهن هجد

واسأله عن قصة السبع سبع معجـزات
القليـل مـن النـاس فيهـن رشــد

الهن عيـال مشاهيـر والهـن بنـات
امهن منهن وفيهن وهي سابعتهن بالعدد

واسأله عن شي اسمه يورده الممـات
لاذكر اسمـه توفـى ولا طـب اللحـد

ياخذ من جبال السراة بعـض الصفـات
والمصيبه له عدو صغيـر فـي المهـد

فيه حكمة للمـلا والعقـول الراجحـات
نـوب يجنـب شـر المشاكـل والنكـد