[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جاتني من غير موعد نور عيني=وشفت في نظراتها زايد عتبها

عيت إتخلي يديها في يديني = والدموع الغاضبة تحرق هدبها

قالت يقولون شاعر ياضنيني =تنسج القيفان من خاطف شهبها

حشرجت بالصوت معشوقة سنيني=ودمعها الفضاح قد سال وغلبها

قلت لا تبكين ياغلا الغالييني =واخبريني ضيقتك منهو سببها

قالت انت سبة اوجاعي وانيني=انت من اشعل بوجداني لهبها

ليه قافك يالغلا ما يحتويني =او محبتنا طرى طاري وسلبها

قلت في نبرة تحدي الواثقيني= ياهناء روحي وياغاية طلبها

قبل ما تقسي علي وتعاتبيني= اسألي كل الدفاتر مع كُتبها

شوفي بقايا الحبر في راحة يديني=واسألي هذا القلم ذي هو سكبها

اسأليهم لجل من ينزف رحيق الياسميني=ولاجل من احييت واحة من جدبها

اسألي بحور الشعر لا تسأليني=لاجل من قد عمت في عتمة غببها

لاجل من نظم القوافي يهتويني=ولاجل من صاحت حروفي من تعبها

ولاجل من خاويت ليلي جاوبيني =ولاجل من امسي مهيم في رحبها

جاوبيها يامحابر كم ليالي تسامريني=وخبريها كم سهرنا من سببها

جاوبيها يالمعاني خبريها عن حنيني= خبريها زودي نشوة طربها

متى نسيتك ياغلاتي ذكريني=وقلبي احاسيسه لقلبك قد نسبها

دايم انتي للقوافي تلهميني=من خيالك تلبس احروفي ذهبها

كلمةٍ باقولها لك وافهميني = لاجلك انتي كل قيفاني كُتبها

شاعرك ماهو بشاعر صدقيني=شاعرك عاشق وروحه قد وهبها[/poem]


بقلم / المهجوس بلعور

__________________
[flash=http://img8.7ozn.com/files57/2012-10/17c713501630421.swf]WIDTH=548 HEIGHT=375[/flash]
تصميم الغالية أمـــــــــــــاني