انجح بطريقتك .. اهداء الى خــورة ...

سلام الله عليكم ورحمتة وبركاتة

بسم الله والصلاه والسلام على " محمد رسول الله "

بـــدايـــة ,,,

الى الذي علمني حب الخير لغيري ,

والذي وقف بجواري حتى صرت رجلا ,

وأعطاني ثقته ومنحني عطاء بلا حدود .. الى ابـــي ,,

اهدي اليه ما لا يهدى , واعجز عن شكره ما دمت احيا .. حفظ الله أبي وأطال الله في عمره ووهبة سعادة لا تفنى .

ابنك .. مصطفى ,,,

.
.


* انجــح بطريقتــك ..


معنى كلمه نجاح يختلف من شخص لاخر . بمعنى ..

هناك من يراه استخدام الموارد المتاحه افضل استخدام , وفيه من يراه تحقيق التوازن فى شتى مجالات الحياه .

بمعنى اوضح اننا اول مابنصحى من النوم ولغايه ما بنام تانى فيه 7 جوانب بيتحركوا معانا . اهتمامنا

بيهم بيختلف من كل شخص للتانى .. على سبيل المثال ولله سبحانة وتعالى المثل الأعلى اهتمامي انا بيهم كالاتي :

1 - الجانب الدينى : بصلى واقول اذكار اتصدق اقرا بالمصحف وهكذا .

2 - الجانب الصحى : بقوم افطر اعمل رياضه وكده يعني .

3 - الجانب الشخصى : بطور من نفسى بقرأ . بكتب خواطر اشعار بنمي اى هوايه .

4 - الجانب العائلى : بهتم باخواتى بقضى طلبات لوالدي وهكذا ليهم .

5 - الجانب الاجتماعى : بشوف معارف . اصدقاء . اصحاب . زملاء عمل .

6 - الجانب المهنى : بروح الشغل لو الله اتاح لي العافيه واسعى وراء الطموح وتحقيق اهداف وكتابه تقارير .

7 - اخر واحده الجانب المادى : يعنى الفلوس بهتم بالفلوس واكل العيش زى مابنسميه .
.
.

وكما قولت ترتيب الجوانب ده بيختلف من شخص لاخر , فيه واحد عنده الاول الجانب الدينى , وبعده

الاسرى , وبعده المادى , وهكذا النجاح بطريقه كل شخص ازاى اعمل توازن سليم بينهم ومقصرش

فى حاجه خلال اليوم عشان قبل ما أختم يومي بحمد الله احس براحه نفسيه وسعاده باننى كنت ناجح اليوم .

طبعا انا كنت بتكلم على الجوانب اللي بتتحرك معايا أول ما بفتح عيني لغاية ما بنام .
.
.
احبابي احباب خـــورة ,, اتمنى اني اكون قدرت بفضل الله تعالى اني أوصلكم مفهوم النجاح الى حد ما .
واخيرا وليس اخرا احب أن اختم موضوعي بسؤال الى كل اعضاء خورة ..

تفتكروا ان الشخص اللى يعمل مقارنه بمواصفات لكل واحد نوعا ما مش حاسس بالرضا عن حاجه معاه ! حاسس ان فيه حاجه نقصاه لسه وبيدور عليها ؟!

عفوا لا احتاج الى جواب على سؤالي لربما يكون هذا اخر كلامي لكم . ودعوا الاجابه فقط لاحساسكم

شكـــرا جزيلا لكم وحيــاكم الله
.
.
.
.