ابيات عبر الاثير (( قولدن بوي + سالم باسهل ))
السلام عليكم ورحمة الله وبركاته
كل عام وانتم بخير اخواني واخواتي اعضاء منتدانا الغالي منتدى خوره
القي بين اياديكم هذه المساجله الشعريه بيني وبين الاخ العزيز / قولدن بوي ارسل لي بها من حضرموت مسقط الراس حريضه
ارجوا ان تنأل اعجابكم وهي عباره عن معايده او تهنئه بالعيد :
يقول فيها :
لاوصلتو هاهنا صلو عالنبي ***والال والاصحاب هم والتابعين
هذا مكان الشيخ سلمه بن علي***جد الرجاجيل الصلاب الوافين
ذي دار زينه ساسها ماكن قوي***مابقطع عاده لقوها الاولين
في كل سنه لاطال عمري بانجي***واحنا وانتو بخير ومن العائدين..
ردي له :
مرحيب ذا بالقول لي جاني طري***أبيات موزونه ومن شاعر رزين
كرر صلاتي عالحبيب الهاشمي***اعداد كل من حج وذيهم محرمين
تهناك هذي العيد مع عمي وأبي ***والي معك جالس وذيهم حاضرين..
رد قولدن بوي :
بلقيك حيث النجم ذي هو معتلي***والبرق ذي يرشن في الطالع رشين
يابن سهل انته من اول صاحبي***لاهي سنه وحده ولا اربع سنين
ياولد سهل الشيخ قم اردف معي***وانته لها ولاعليكم شي يهين
يالله تحرك حط يدك في يدي***والله يجمعنا وكل الحاضرين..
قلت له :
ألهرج ذا والله زود ضاربي***والنفس منه صوعتبي بالونين
لو هي تقعلي بالخير مابحتبي ***الا وسطكم جيزهم لي محتبين
بجلس وباتكي وعندي غرشتي***غرشه كما الي يشربوها مخزنين
قالوا العرب ماهو مخير ألادمي***ذلا مسير من اله العالمين
يكفي كفى يافهد لا لاتشق بي***كيه كملو التخزين وانتو ساكتين ..
هذا وسلامتكم ..
هذا مكان الشيخ سلمه بن علي: جد المشائخ ال باسهل في حريضه
غرشتي : قزازه عصير الفانتا يشربوها معا القات تحليه شوي .
__________________
تصميم العضو/ GoLdEnBoOoY ..
11-07-2011, 11:41 PM
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ