ناصر البكر الزعابي_غطاريف

بالله يا طيرة كفاج الونيني
ياكم صوتج هيّظ العاشقينا
انتي مع الاولاف وتلجلجيني
شوفي الذي زود العنا مستهينا
متبايعٍ ملدوغ قلبه غبيني
من صنعة الاقراب والكايدينا
لاتتعبين الروح وتشاغبيني
تهذيبي العدوان والشامتينا
عيني سحابة دمع لاتعلميني
هل وبلها الهطّال ع الوجنتينا
حظٍّ كفيفٍ بالشقا مبتليني
بأهل الجهل والحقد والمغرظينا
حولي بقايا صحبةٍ ساذجيني
في زوبعة نحس وفقر ساجنينا
لولا غطاريفٍ من الطيّبيني
لدفن رفاتي والملا ذاهلينا
وايماني بربّي تعاليم ديني
يخزي حكي الحساد والظالمينا
بالله ياطيرة تمادت سنيني
ياكم كسرني الحزن كسر اليدينا
تكفين زاد الحمل ماعاد فيني
صبر وجلادة ع الشجن والحنينا
إنتي على غصن الوله تنشديني
واحنا على جمر القهر صابرينا