[poem=font=",6,,normal,normal" bkcolor="transparent" bkimage="http://www.khorh.com/vb/mwaextraedit2/backgrounds/44.gif" border="none,4," type=2 line=0 align=center use=ex num="0,black""]
من يشتري مني قصايد حزينه =ويبع لي شعر بلا هم واحــــــزان

مليت من شعري وقلبي وأنينه= ودي أعيش العمر وأكون فرحان

ودي أعوض مر عمري وسنينه= وأنسى زمان ليتــــه اليوم ماكــــــان

أريد أنسى كل ذكرى دفينه= خلاص يكفي ومن لظى الشوق تعبان

أيام ماتسوى ودنيا لعينه =ياما سهرت اذرف من الويل نيــــــران


يامابكيت بحسرتي والغبيـــنه= يامــــا شكيــت ويعلــــــــم الله سبحان

عجزت ألاقي في هواي السكينه = عجزت ألاقي لبســـــمتي اي عنوان

تايه انا في بحر مثل السفينه=تايه ولا عنـــدي دليل وبرهــــــــــــان

اكتب قصايد والمشاعر سجينه = في حزنها وتعزف مــــــواويل والحان

واجر ونات ونفسي رهينه= ودمعة الم تحوي مجاميـــع للالـــــــوان

الله يجازي اللي سحرني بعينه = واخر تركنــــي في شقـــــا الهم غرقان

عشرة عمر ياناس بيني وبينه = سجلتهـــــا ذكــــــــرى في ستين ديوان

من يشتري مني قصايد حزينه =ويبـــــع لي شعـــــــــر بلا هم واحزان[/poem]

__________________

لو يشتكي المجروح وش في يدينه= من يرحمه لاهلت عيونه ادمـوع
من يسمعه لا باح خافـي كنينـه=من هو يرد القلب لاصار منـزوع

للتواصل عبر::ma2005d4@hotmail.com