السلام عليكم ورحمة الله وبركاته

اخواني واخواتي اعضاء وزوار منتديات خورة يطيب لي ان انقل لكم هذه

القصيده وهيا قديمه سبق انزالها من قبل في احد المواقع والان حبيت انزلها

هنا يطلع عليهاالي ما اطلع من قبل القصيده تحمل في طياتها الكثير من

المعاني وتعتبر دعوه لمن يريد اصلاح بلده واخوانه اسئل الله يصلح البلاد

والعباد وان شاء الله تعجبكم وهي من اقوال ولدكم واخوكم

ناصرعبدالله ناصر بن لزنم نظمت ابياتها

يوم الاربعاء تاريخ 23/5/2007م
اتركم مع القصيده

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يـاالله دعينـاك يـاالله يــا علـيـم اعـلـم=ياعالـم السـر ذي مخفـي وذي معـلـوم
عبدك لجي ليك ياالله يـا عظيـم اعظـم=يـا خالقـي يـا الهـي واجــب التعـظـوم
يــا الله تغـفـر لـنـا مــا كــان واتـقــدم=ووســع القـبـر لـيـه سـاعـة الـتـقـدوم
الليـلـة احــوة مـابـي قــال بــن لـزنـم=تاعـب مـن الـزام غلـي لامتـى بـا زوم
تعبـان حـالـي وعيـنـي قــد بكـاهـا دم=لاجيـت بـا نـام يتصعـب عليهـا الـنـوم
وجــدة حـالـي شبـيـه الهـالـك المـعـدم=لانا مـن اهلـي ولافـي صحتـي منعـوم
شهـور وسنـيـن قضيـهـا ونــا اتـنـدم=وقـول بــا تنـفـرج بعـديـن ولا الـيـوم
زاد المـرض فـي صميـم القلـب وتـألـم=وكـل ماجيـت بـا هداءيرجـع التـأ لـوم
صبـرت علـى المـر والحلتيـت والعلقـم=غصبا عليه وهـو يحنـب فـي الحلقـوم
لا ننـي شفـت وضـع الارض مـا تـقـدم=فيهـا التخلـف وفيهـا كـل شـي معـدوم
فـيـهـا الـولــد لاتـكـلـم بـــوة يـتـكـلـم=وان قام يسكت يفسـل فيـه بيـن القـوم
قــل احـتـرام الـولـد لــلاب هــو الـعـم=لاجيـت تـدي نصيحـه يـلـوي البلـعـوم
وان قد قبل من كلامك شـي طمـر لاثـم=تقـول تسقيـه مـن قـيـر وفـوقـه ثــوم
ولاتـكــلــم بـكـلـمــة قـــــام يـتـلـعـثـم=مايرفـع الـراس ذي فـي كلمتـه لعثـوم
الان يــا هجـسـي خــرج مــن المـعـدم=يا هاجـس الجـد ذي مـا همـك المعـدوم
قل دان با الصوت خـاف القلـب يتنسـم=من قهر بعض الليالي يصعب التنسوم
اذكـربــلادك وخـلــك مـولـعـي مـهـتـم=يــارب مثـلـك مـشـرد منـهـا مـحــروم
عائش معذب ومن شـوف البلـد يحـرم=الله بــا ينـظـر الغـائـب وذي مـحــروم
عـلـى بلاداليـمـن قــد قـلـبـي امـحـطـم=وخص شبوة بـلادي خاطـري محطـوم
يوم اسمع اخبارهامن صدق ما تهضـم=كنها كما الاكل ذي يصعب في التهظوم
كلأعـقـل فــي حيـاتـه عــاش وتنـظـم=وحنا لبا العيش في شبوة بـلا تنظـوم
الخيـر فيهـا ولافــي ارض بــه تحـلـم=لكـن لحنـا السبـب فـي مـا لعانـي دوم
جبنـا الفتـن والمصائـب شــر تتـراكـم=وتخالف الشور واصبـح بيننـا مركـوم
يا للاسف عـاد حـد يعـرف وحـد يفهـم=انـا ضنـي الامركـلـه يـاعـرب مفـهـوم
اتوحـدو صـف وبـنـو كــل مــا تـهـدم=كم هي سنه كم ليالـي ساسهـا مهـدوم
واهـل المصالـح تجـنـب لاتـقـع تغـشـم=يصحـو قليـل مـن اللعبـات والتغـشـوم
الـى هـنـا ونتهيـنـا كــم شربـنـا ســم=لـبـا عـمــل ومكنوساقيـتـنـا والـســوم
ذا قيل بن ناصـر احمـد هاجسـه صمـم=اش با تقولون يا كمـن نمـر صمصـوم
لـبـا التـطـور وشـبـوة شعبـهـا يـنـعـم=وداع ياعصرحـد تاعـب وحــد منـعـوم
يـادار منسيـه مــن ذو عهـدبـن هيـثـم=ولانفعهاعـلـي مـامـن اســـد مـرجــوم
انانـصـر لاقــدك يــا الـهـيـج تتـخـطـم=قريـت تهـدر وذلحيـنـه قــدك مخـطـوم
ماهمنـي مـا شغلنـي مـن زعـم يـزعـم=انا حب قول الحقيقه مش غلط وزعوم
اناقد حلالـي بخـورة خـوي بـن لسخـم=قاسي وعاصي ولاخشى بردها والحوم
للخـيـر والـشــر لاقـــد ثـــار بـتـعـزم=قدهـا تواريـخ تشـهـد خطـهـا مـرقـوم
مــلا بغيـنـا البـلـد مــن شـرهـا تسـلـم=وتصبح الناس عينه في سعـة وسلـوم
الـلـوم يـرجـع عـلـى العـقـال والفـنـدم=مانـا وبعـض الخليقـه مـا عليـنـا لــوم
خافـو مـن الله كــم هــو طـفـل يتيـتـم=وكـم ارامــل معـانـا سنـهـن محـشـوم
ذنوبهـم فـي رقـاب الـنـاس ذي تظـلـم=في يوم با ينصف الظالم مـن المظلـوم
يــوم القيـامـة نـهـار الخـلـق تتـلاطـم=هنـا يبـان العـمـل واللـطـم والملـطـوم
واختـم صلاتـي علـى ذي مـنـه اتعـلـم=علـمـنـي الــديــن والله علمـه ـتـعـلـوم [/poem]

جواب على قصيدة بن لزنم من الشاعر الحميد بن منصور

الغالي ابو فهد صح لسانك ويعطيك العافيه اصبت كبد الحقيقه
لك مني امنيات الخير والسعادة الدائمة والمحبه في الله
ارجوا ان تتقبل مني بيتين من الشعر على نفس القافية والوزن
وبالطبع شعرك يجعل الذي لايعرف الشعر مثلي يصبح شاعرا
تقبلها مشكورا مع خالص الود من اخ لاخيه (جدك الحميد )



[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يـارب... نـاصـر حـمـد بالـحـور يتنـعـم=فــي جـنــة الـخـلـد لا لـغــوا ولاتـاثـوم
وابوه لعـور. احمـد .مايحـب شـي يظلـم=ذي يرفع الظلم خلـى الطمبشـي مرجـوم
لـهــم جـنــان الـــذي بالـعـفـو لـتـعـشـم=ناصر...خلوفه.. لهم حطيـت لـه لبهـوم
لـــه امنـيـاتـي بـطــول العمروالـمـغـنـم=واهدي له اشواق معها العطر والمشموم
فصـلـت تفصـيـل ايـــام الـنـكـد والـهــم=شهامتـك خلـتـك مــن وضعـهـا مهـمـوم
بن حمد حسين ماخطيت النصـع قـل تـم=واسمح ببيتن مـن شاعـر يعيـش حلـوم
شـرحـت مـاهـي تعـانـي والــذي يـلــزم=شـبـوه بــلاد النـشـامـا كـلـهـم مـلــزوم
قــد اليـمـن كلـهـا ضـاعـت بـــلا مـعـلـم=معالـم العـدل ضـاعـت هــات ذي معـلـوم
وكـل شامـخ صغـر فـي الـوقـت وتـقـزم=شمسـان ياصاحبـي مـن فعلهـم مـقـزوم
استكثرواسـم شــارع كــان بــن مــدرم=واصبـح الاسـم لمشعـبـه وبــن جلـعـوم
راس البلاء يابن لزنـم جـا مـن المحـزم=لان راي العـرب بالصـدق مـش محـزوم
والصـوب مبـطـي ولاحـصـل دواتجـرثـم=لابـد مـن قطـع حـتـى يـخـرج الجـرثـوم
وكــل سـاعــة يـزيــد الـوضــع يـتــأزم=ومـن شكـى عايـروه انـه رجـل مــأزوم
البنـت كانـت..... بعقدانسـان مـا يرحـم=وراح.. رحمه لمن فـي سيرتـه مرحـوم
بدون عده.. تحـروت مـن مريـض اجـذم=هاكيف تحيـا البنيـه فـي كنـف مجـذوم؟
ايــــام مـخـبــال والـعــطــاس لـتـاقـلــم=كانت جويعة... ولكن مـن غلـط مختـوم
مـا الـيـوم كـلـه غـلـط واتكـلـم الاعـجـم=وشلوا التمر واحنـا.... قسمنـا العجلـوم
وانته تطالـب بوحـد كـل شخـص اسهـم=وحده على غير ديـن الله.!!!... مابتـدوم
في شرع ربي مؤكـد مـن زنـى.. يرجـم=والنفس بالنفـس يرجـع حـق ذي مثلـوم
ومـــن بـغــى اوتـجـبـر تـالـيـه يـهــزم=كـم امبراطورمتعجـرف صـبـح مـهـزوم
حكمـه قديمـه ..جديـده. مـن ظمـي جمـم==يصبـر علـى جمتـه والشـوب والقلصـوم
شف بن سنـان الخليفـي خـوه بـن مقلـم=ماخـوه ذي جـا نقيلـه... مـن قدالاهـنـوم
شف مالها حـل.. غيـر الله ذي.... الهـم=ذي الهم النحـل تسكـن راس كـم دلقـوم
والختـم صلواعلـى ضـاوي بليـل اضـلـم=ذي كـرمــه ذوالـجــلال الـحــي الـقـيــوم [/poem]

__________________
[poem=font=",5,blue,bold,normal" bkcolor="transparent" bkimage="" border="none,3," type=0 line=0 align=center use=ex num="0,black""]
بدوي وبن بدوي وليه شهرتي=وابن البداوه لاتكلم يرتفع راسي
ربوني اهلي كيف وفي كلمتي=على الوفاءوالطيب قدلي قلب رجاسي
واقف مكاني ماانثني من همتي=مثل الحديدالصلب دي في مصنعه قاسي[/poem] تحياتي للجميع اخوكم بن لزنم ابوفهد