بدع صقر لشعاب
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله دعيناك يارب السما كرمه= تكرم علينا وانت الواهب الكرام
عبدك دعا ليك يامن بيدك الرحمه=تستر علينا وفرج همنا المغتام
وقال بن لزنم انه قد كثر همه= ما ليله الا وهو يطرح علي مزرام
هموم ذي قد برت لعظام من لحمه=لما اصبح الجسم به بلواه من لسقام
وبعد ذلحين ياطارش مع النجمه= بعطيك خطي معنون باحسن الاقلام
واركب كروزر جديده ماركه فخمه=المفخره لانويت الخط والمعزام
من شان تاوي بلاد العز والنعمه=بلاد لجداد ذي لمسي عليها زام
سلام مني عليها مادنا كمه=وامسى يلاطم صروم الخير في لسوام
واصبحت فالكوم غابش واصل الكلمه= لاعند محسن ومحسن يوم فهام
قل هاكم الخط ذي مبصوم بالبصمه=من عند ابو ناصر الي فالخلا قد هام
ماليله الاوهو ساهر نشف دمه=يشكي من فراق ربعه واخوته واعمام
يالخوه الوقت جاب الضيق والكظمه=كلما بنيناحلم وانها تحطمت لحلام
كيف البصر لانشب عباس في عمه=واتخربط الصرف فالهدار وابن حزام
هذا محانق وهذا يرجم الرجمه=وذا محارش ولاخر بينهم نمام
هو عاد شي حل بين الكرب والدهمه=اوباتمي على ذه عام يتبع عام
واختم صلاتي لمن شقوه في لحمه= احمد شفيع البريه سيد الانام
[/poem] جواب من محسن محمد لزنم

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله يامن خلقت نجوم ملتمه=والقيتها في السما ذي خيرها يحتام
فرج على العبد من همه ومن غمه=لاحس بالضيق وسط القلب والصمام
صابر على وقت خان العهد والذمه=واهله يخونون فوق الوقت ذي هو خام
وبعد ياهاجسي بالكسر والضمه=رحب معيه عدد مارش من لكمام
وهلا وسهلا وياحيا من القمه=ياصقر لشعاب ذي ماواك لا لقمام
يامن لك الحريه فالنور والضلمه=ياصقر فالجو عالي دايما حوام
بوناصر الصقرعلمه وين جا علمه=كم له مغيب ومبعد رد لي لعلام
وصلني القاف ذي فوقه كتب رقمه=وامسيت هوجس وخرج من ثنين رقام
وقول مشغول ولا دق له نغمه= ولا رساله بحرف النون هو اللام
خلك معيه فالتغطيه والخدمه=ثلاث تسعات عمم رقمكم عمام
ذكرت في الفرق ذي هو ندمته ندمه= قد فارق الزير سالم صاحبه همام
وبعض لصحاب بنه ينصدم صدمه=تقول يوم انصدم بالمشنقه صدام
لما اصبح الكل والعربان في ازمه=واهل اليمن حزنهم غطا بلا د الشام
ون جيت في ارضنا قد قلت الزحمه=وسافرو كلهم ماخير فيها دام
والبير شحت وبعنا قصيبها الضخمه=والارض ماتزرع الحبحب ولا الشمام
قد خير فالمملكهباتشتغل دكمه=باتشتغل فالعليا هي ويالدمام
مامن جلس يلعنونه نعن ذا القهمه=يوم الغلا منتشر مثل السلاح السام
وكم نمر قد صبر ذي نهمته نهمه=لاجاع ينهم ويتغبن على لنعام
واختمت قولي وعميته بذي عمه =ذي حارب الكفر لما قوم الاسلام[/poem]