كــل أرض تشــيلك يا ثقــــيل الحمــول ...

من روائع الأمير بدر بن عبدالمحسن

كل ارض تشيلك ياثقيل الحمول
وكل وقت كريم بالرضا والزعل
وين مارحت تلقالك حبيب وعذول
وين ماكنت تلقى مثل ياسك امل
ياطريق الترجي والوله والنحول
والله اني مشيتك لين حد الثمل
لاتظن المسافر من يسوق الرحول
من وقف دون حلمه عاجز مارحل
ومالمخلوق منجا في الحذر والجفول
ماتصيب السهام ولا يطيش الاجل
الليالي خوات مير منهي البتول
والحوادث عشاير مير وين الفحل
اتذكر في عين الشمس طفل خجول
سالته في هدبها وقت لين اشتعل
اعجب الناس وهجه بالجدل والفضول
مادرو عن جمال الجرح لين اندمل
ان لثمت الزهور وصاحبتني الحقول
ماهقيت ان صافي الشهد عيب النحل
ان تعبنا نحب ولا لقينا قبول
ماتسر الاماني ولا يفيد العذل
مابقى في ضلوعي كود ريح معمول
وثوب ساس عليه من الندامه وحل
لكن الله كريم وكل هم يزول
ماعلى الله بعيد ولا جفاك المحل
كل ارض تشيلك يا ثقيل الحمول
وكل وقت كريم بالرضا والزعل