الموت والله الموت لاهزت الاجناب

[poem=font=",5,blue,normal,normal" bkcolor="transparent" bkimage="http://www.khorh.com/vb/mwaextraedit2/backgrounds/15.gif" border="none,4," type=0 line=0 align=center use=ex num="0,black""]
بسلك دروب العشق رجلي وركّاب=وادور المجمول وآقول وينه
هاك الغزل اللي سلب قلبي وغاب=اقفى وقلبي ضمته رآحتينه
لا جيت اوصف بكتب اكتاب وكتاب=مالوم شعري لو وصف بعض زينه
حسين وصفٍ للمعاليق نهاب=وشهو البدر لا شفت روعة جبينه
مكحول عينٍ ما يبي كحلٍ ايجاب=من صغر سنه ما وطى الكحل عينه
والثغر خاتم للمفاتين جذاب=والشهد يقطر من على شفّتينه
والخد وردٍ والشعر حيل منساب=على المتن تمشطه راحة يدينه
والحاجب اللي منحني فوق الاهداب=الله ما اجمل ياعرب حنيتينه
وجفنٍ ظليل مستثيرٍ وخلاب=ماهوب جفنٍ بالقلم رآسمينه
خصرٍ نحيل وكف ما يعرف اخضاب=عن ساير الحنا تعذر يمينه
ولا ضحك فاحت من انفاسه اطياب=كن العطر من نفحها ما خذينه
الموت والله الموت لاهز الاجناب=تغار منه هند واسما وامينه
والا تكلم يذهل الباب والباب=صوته عذاب وكلمته ما تدينه
والا زعل يزْعِل كثيرين الاصحاب=ما كن غيره ساكنٍ هالمدينه
ما الوم قلبي لا غدى اليوم منصاب=من فيه غيره يستحق الثمينه
لو قلت طيب جاوب القلب كذاب=وشلون اطيب وخاطري كآسرينه
هذي بعض ابيات تحكي له اعجاب=قلبٍ وعينٍ في غرامه سجينه
[/poem]

منقول