على الله يازمن بشكي جروحي والليالي طوال
على الله يازمن بشكي جروحي والليالي طوال،،
عسى راعي العنا ينسى عناه وينشرح صدره ،،
على الله يازمن بشكي همومي والهموم جبال،،
تعدت عاصمة حزني حدوود العالم بأسره ،،
خساره يا السنين اللي كتبتي قصة الترحال،،
فرحت أمس،،وحزنت اليوم،،بس الخووف من بكره ،،
سقى الله يوم أنا كنت أضحك وبالي مريح البال،،
ضحوك ماعرفت الحزن وش معناه وش قدره ؟!؟!
كبرت وكبرت أحلامي وصارت قصة الترحال،،
أماني في مهب الريح حلم ما أكتمل سحره ،،
عزيزه يا الحروف اللي سكتي والكلام يقال،،
حكيتي ما شكيتي الهم وهم القلب يا كبره ،،
أنا منهو فقد صوته وبعض الصوت به مازال،،
دعيت الله يفرجها علي وبحت أنا النظره ،،
أشيل الحمل عن غيري "وحملي صار ما ينشال"،،
تذرت عن هموم الياس حلم بنى قصره ،،
عساها للمطر روح بها وادي الظماء ماسال،،
عروق سنينها جفت ووراها الزمن غدره ،،
على الله ينجلي وقت قضيته هم وغربال،،
ويشع النور في قلب غشى بين الظلام فجره ،،
على الله والولي الله وبأمر الله يزين الحال،،
((ويضحك للزمن قلب من همومه قضى عمره))
اتمنى ان تنال اعجابكم
منقولـ
تحيات ساهر
03-17-2010, 02:43 AM
Similar Threads
Threaded Mode