ترى مانته بشاعر لابغيت الحق ياشعرور

بسم الله الرحمن الرحيم
السلام عليكم ورحمة الله وبركاته
لاعاد حد هنا شعار بايفهمون
اليكم القصيده وبدون مقدمات

والا ياللي تناديني ولكنك بدون شعور
_____ تراني عارف النيه وعارف وش ورى النيه
.
توقٌع زين بالله وانتبه لاتقرب المحذور
_____ ترانا لانوينا.. نلحق الكيه ورى الكيه
.
الا وش هو يجيبك في مقام الصقر ياعصفور
_________نبت لك ريش لكن .. مانشوفك شي موليه
.
ترى مانته بشاعر لابغيت الحق ياشعرور
_____ سواليفك سوالف عجر ماتشقي معاليه
.
انا ماهمني مثلك ولو شكلت لك طابور
_____ تركد ياعميلي لا تغااادر خارج الفيه
.
ترى صوت الهبايب مايحرك شي في ميقور
______ تهقوا تنسف الضلعان وانته معك طبليه !!!!
.
تركد لاتهقوا وانت ماتملك ولو قذمور
_____ ترانا لازعلنا... غير نطفي نارك الحيه
.
ترى ماصار لك شعبيه ولاصار لك جمهور
_______ تشوت الكوره وترجع دبل كيك ومقصيه
.
والاياراعي البندق تراها بطنها مسحور
_________ هدفها ماتصيبه لو تحاوول فيه حوليه
.
عميلي .. شوف زر الثوب عندك ماهو بمزرور
__________ نصيحه زر ثوبك قبل... لاينزر جبريه
.
ولاتخطي على العالم ليا شفت الجزيل يدور
___________ تراها ياخبل.. تاتيك مربوعه ومثنيه
.
قبل ماختم ... تراني ما ابتلش فالعمي ويا العور
______ اناولهم طرف ويسدهم مني .... لو شويه

للامانه منقوله لما تحمل من مضمون وجمال
تحيات عاشق تراب الوطن