كلمات مهداه لأخي عاشق البداوه
اليوم كني بالفرح جيت موعود
اليوم عيــد بجيت اللي لقيته
انسان مهما غاب ايظل موجود
بين الضلوع العوج عنوان بيته
لاهو انانـي لا ولاهو بمقـرود
ولاهو يخيب ظنك اليا هقيته
طبعه اصيل ومالكن طبعه الجود
قد الهقـاوي الطايله لانخيته
ينفح بدربه ريحة المسك والعود
ولامن عرفته للابـد مانسيته
عاشق .خفوق..اللي بذل كل مجهود
ولولاه تـوقيعي ابـد ما عنيـته
ياكثر وقفاته معي اخ معــدود
اخ(ن) اصيل(ن) لابكاني بكيته
ماضيق لانه جنبي بوقت مضهـود
لامن تقاوى وقتـي المر جيته
الله يقـدرني وارد جودك بجـود
واسـري معك في دربك اليا سريته
ياللي غديت بهمس رمز(ن) ومشهود
للمرجلـه والطيب كلن عطيته
يالله ياللي مابعد فودك الفـود
ياعالمن باللي كتبت ونويته
اتوفق ابيض عد ماهبت النود
وعداد ماحن الخفوق وطريته
وياعل ما يلحق بهالقـول منقود
وياعل شعري يوفي بما عنيته
__________________
[flash=http://flash01.arabsh.com/uploads/flash/2012/11/05/0e334d4c62f1.swf]WIDTH=555 HEIGHT=300[/flash]
01-19-2010, 01:22 AM
Similar Threads
Threaded Mode