دام الغلا من كل قلبك طويته

قل لي وش اللي من غرامك جنيته
يا اللي جرحت إحساس قلبي والأشواق

يوم الغلا كل الغلا لك عطيته
أصد عنك وأرجع أقول مشتاق

يا للأسف وشلون حبي نسيته
وقلبي معك من سكرة الحب ما فاق

بعت الغلا من كل قلبك رميته
وحب حفظته لك زرعته بالأعماق

يوم أن ورد الحب فاح ووطيته
ما كن بين قلوبنا عهد ميثاق

ويوم المشاعر صادقه ما رويته
قلب على كف القدر جاك منساق

قلب عطاك ورحت عنه وجفيته
جنيت حبه وهو جنى دمعة أفراق

طعن الغدر منك أنا ما قويته
لا ما دريت أنك تبي تصير بواق

من طيبتي جيتك بحلم رجيته
أبيك تفرح لو علّي الفضا ضاق

فكرت فيك وكل عاذل عصيته
تعال وسكن وسط قلبي والأحداق

بعت القريب وأنت قربك شريته
واليوم شمسك ما لها نية إشراق

دام الغلا من كل قلبك طويته
أبيك تطوي ما بقى وكل الأوراق

رح في طريقك جعل درب مشيته
يبعدك عن عين بها الدمع حراق

وأن كان مر الشوق صدفه لقيته
خله مكانه يكفي القلب ما ذاق

مـــ نـــ قـــ و لــــ