للشباب فقط ممنوع دخول البنات

9 - موقف طريف صارلك وانت تطبخ او حتى دشيت تسوي شاي ؟
الموقف بصراحه صار من تقريبا 5 سنوات كنت اسوي الغداء وجاي من الدوام نعسان وخالص ابي اجهز الغداء عشان الحق لي
ساعة نوم قبل الدوام فجهزت للغداء وحطيت القدر على النار بس مو قدر الضغط حق خالد هههههههههههههه وسخنت الزيت
وحطيت البصل والطماطم وبقية البهارات مره واحده وكان في فيلم على التلفزيون يشتغل قلت اشوف على السريع وكنت جهزت الدجاج وحطيته بصحن على الطاولة المهم رحت اشوف الفيلم وانا دخلت اشوف والقطه لحقت بعدي وتسحب الدجاج من على الطاوله
ويطيح الصحن اطلع اركض ركض على الصوت والاقيها طالعه من المطبخ وتسحب نص الدجاجه وقفت قدلمها وهي تجري تبي تهرب
طبعا الباب مصكر ما في منفذ الا من الشباك والشقه بالدور الثاني يعني انتحار عشان حبه دجاج وصارت تلف الشقه من غرفه لغرفه
وخايفه وانا لاحق وراها ابيها ترجع الدجاج قلت لها عطين يربع وربع لك على بالي بتفهمني هههههههههههههههههههههه
طبعا ساعتها مش عارف وش اسوي ما كان بالثلاجه غير هالحبه الدجاج وما كان عندي فلوس اجيب غيرها وراعي البقاله
اللي نسحب منه على الراتب مقفل ما فتح يعني كنه عارف ان القطو بياكل الدجاجه اللي حيلتنا والشباب بيجون يبغون الغداء
واذا مافي يا ويلي منهم بيتغدون من ظهري ومع انشغالي بالقطو نسيت القدر واللي فيه وما دريت غير بالنار مولعه
بالمطبخ وادخل اشوف الاقي القدر واللي فيه احترق وصار القدر اسود والنار واصله للسقف والبصل والطماطم الله لا يوريكم
وش صار فيه وجيت ابي اطفي النار والدنيا مولعه مو قادر اوصل للمفتاح عشان اطفي وامسك كاس وارش ماء على النار ابيها تنطفي
وما في امل رديت اجيب البطانيه وارميها على النار وربكم ستر طفت وخلصت منها والتفت الاقي القطو مستانس ابن الحرام
وياكل الدجاجه بالصاله يعني يتحداني وامسك السكين ابي احذفه به واول ما شافني رفعت يدي طار تقول عفريت ويدخل المطبخ
وعلى الشباك وهرب وصاحبكم قعد يتفرج ويفكر وش يسوي بهالموقف لملمت الاغراض والقدر والبطانيه المحروقه طبعا
والدجاجه المتبقيه وعلى برميل القمامه واتصلت في واحد من الشباب قلت له انا مو جاي عندي شغل وانت جاي هات معك غداء
للشباب وبالليل احاسبك عليه وما قصر جاب الغداء وانا دشيت الغرفه وحطيت راسي وما صحيت غير على علبة ماء باااااارد
على راسي مسكوبه قمت مفزوع لاني كنت احلم بالقط قلت القط اتوحش وجاء ناوي على نيه طبعا اللي كب المويه كان واحد من
الشباب اللي قلت له جيب الغداء ..
وتغدوا الشباب وحلفوا ما اتغداء معهم لاني ما طبخت طبعا هم مش عارفين وش السالفه على بالهم اني كسلان ما ابي اطبخ
ما يدرون ان في حرب علقت بالشقه ...



هههههههههههههههههههههههه
الله يقطع ابليسك حشا مو موقف فلم هندي هع
الله يسعدك موتني ضحك

25 - كلمة اخيرة او نصيحة توجها لاختك بسومة بمناسبة انو صدعتكم بالمنتدى بصراحة ؟
القلم يقف عاجز والحرف يبتعد ناكسا رأسه حين يكون الحديث عن هذا الرائعه
هذه النحلة الدؤوبة التي لا تمل ولا تكل من السعي لتجني رحيق المواضيع وتعصره
لتنتج لنا منه شهد نستمتع بالابحار بين جوانبه ولن اوفيها حقها مهما كتبت عنها واقول لها من هنا
اسعدك الله اختي بسومه ووفقك الى كل خير واتمنى ان لا ارى شمعتك قد انطفأت بين جنبات هذا الصرح الغالي
وان تبقي مشاكسة كما عهدناك منذ الوهلة الاولى .....


يسلمووووو كلمات اكبر مني لاعدمناك يالغلا


وفي الاخير اتمنى ان ارى الاخ الغالي التاريخ يحط رحاله هنا ان لم يكن قد مر مسبقا واذا كان ذلك فليأتي البيرق ,,

اوك نسحبلك التاريخ بس ان شاء الله يوافق
شكل الشباب كلهم طباخين هع
تحياتي لك