اقـول مزيـون وأشباهـك ماهـيـب أربعـيـن أشباهك أثنين يا أمّـا شمـس والا ( قمـر

https://www.youtube.com/watch?v=_a1XnrBSHdk


ياصاحـبـي لاتباطيـتـك وقـلـبـي حـزيــن
رحـت أنشـد الدالهيـن الـلـي عليـهـم تـمـر

يامعشـر اللـي علـى ضـو القـمـر ساهـريـن
مامرّكـم عـود مـوزٍ فــي عـلـوّه ثـمـر ؟!

الحب مثـل ( العبـاده ) .. و ( أنفـس المؤمنيـن )
أشرّهـا مانـفـر .. وآخيـرهـا مــا أستـمـر

ياليـت روحـي علـى روحـك تـذوب وتلـيـن
وأنـا اتكـوّن سحابـه وأنهـمـر .. وأنهـمـر !

بقـى مـن اللـي خذيتـه قلـب بيـن أصبعـيـن
وأن قلت : هاته .. ( مـن عيونـي وتامـر امـر )

وأن قلت لي : موقعي مـن عالـم الحسـن ويـن ؟
بعـد الثلاثيـن كــان الله عطـانـي عـمـر ؟!

اقـول : مزيـون وأشباهـك ماهـيـب أربعـيـن
أشباهك أثنين يا أمّـا ( شمـس ) والا ( قمـر ) !!

يكفـي بأنّـك ظبْـي ياخـذ مـن الصقـر عـيـن
ومــن الـذلـول العمانـيّـه هـيـام وضـمـر

( معنّقـك ) شـبـر فــوق متـونـك وقفلتـيـن
و ( ايديك ) منجم ذهب .. و ( شفاك ) حانة خمر .!!

مدري وش اللـي خـذا الله منْـك وأعطـاك زيـن
ما لا عطـا فارعـات الطـول بيـض وسمـر !!

ماشفـت ( هالوردتيـن ) وشفـت ( هالجمرتيـن )
لـهـن ثلاثـيـن عــام ولايـزالـنّ حـمــر