صبر على الصبر ساعه عسى بعد الصبر تشرب من الحالي

هذه كلمات من الشاعر المرحوم أبو بكر حسين المحضار الحضرمي(يمني الجنسية) والذي ابدع في كثير من الأشعار والقصائد

وتمعنوا جيدا في معاني هالكلمات الأكثر من رائعة
(يا زارعين العنب)


لما يا سهير العين ما توهد تبيت في تزعالي
انك من التفرقه والبين
لك أيام مسهونه

يا زارعين العنب ما با تبيعونه

صبر على الصبر ساعه عسى بعد الصبر تشرب من الحالي
والصبر عند العرب طاعه
وعقبى الصبر مضمونه

يا زارعين العنب ما با تبيعونه

ومن قال لك قاطع محبينك فقله أنت بطالي
مازلت في وصلهم طامع
وعاد النفس محنونه

يا زارعين العنب ما با تبيعونه

ومن قال لك طارد وواصلهم فقل له وصلهم غالي
من دونه سهيل وعطارد
ونجم الفجر من دونه

يا زارعين العنب ما با تبيعونه

بلاني بهم ربي وولاهم على قلبي وهو والي
مازال في يدهم قلبي
يميتونه ويحيونه

يا زارعين العنب ما با تبيعونه

فؤادي وحل لكن دمعي ما وحل على الخد سيالي
يشوف غرس الهوى ماكن
بماء الود يسقونه

يا زارعين العنب ما با تبيعونه

عهودي بهم وثقى ولا اقطع منهم ظني وآمالي
من بعد موتي وان أبقى
ستبقى عندي مدونه

يا زارعين العنب ما با تبيعونه

وودي لهم دائم ومعروفي وذكراهم على بالي
وبيننا عهد من قادم
سبق واسرار مكنونه

يا زارعين العنب ما با تبيعونه

وكم نسأل البحرِ اذا نسنس علي وجنوبي وشمالي
عسى شي خبر سري
يطمن نفس مشطونه

يا زارعين العنب ما با تبيعونه

ونهدي لهم نثري ونبعث نحوهم لحني واقوالي
عسى يقبلون عدري
وما قلته يفهمونه

يا زارعين العنب ما با تبيعونه