شويعر مجموعة قصايد لك والعضاء الحلوين الي يشفون الموضوع نبعذلت أهل العشق حتى ذقته * * فعجبتُ كيـف يمـوت مـن لا يعشـق..
************************************************** **********
ما أخطأ النحل إذا أخلى خمائلـه * * فالخـد ورد و هـذا الشعـر أزهـار..
************************************************** *********
******************************************دء مساء الحب يا حب يعيـش ودنيتـه طريـاك
احس انك هنا ايامي ولو مـا كنـت تطرينـي

يفوح من الزهر عطره ويبقي القلب مع ذكراك
وهج ذكراك في قلبـي بعـد صـدك يدفينـي
انني احبك وملتاعة بك ..
والشوق يهيم بي الى اعماقك ..
فما اسعدني بك وبلقائك ..
فما انت الا كعشيق انتظرته بأحلامي ..
وفارس قد امتطى جواده لينتشلني من المي واحزاني ..

حبيبـي نــام ياعـمـري عـلـى صــدري وصارحـنـي

وفـض الصمـت باحساسـك وخـل الحـب لـي يجـري

وفضـفـض لــي بـعـد عـمـري وعاتبـنـي وفهـمـنـي

أنا أطـري علـى بالـك كثـر مـا أنتـه علـي تطـري؟!

تعـال أقـرب مـن أحضانـي تــرى خــدك مواعـدنـي

يبي يلامس شغف روحي ويقطف بوحي من شعري

تـعـال أنـثــر هـنــا لـيـلـك وخـــل ويـلــك يولـعـنـي

أنا أحبـك وأبـي قربـك.. تـرى منـي قضـى صبـري

أنــا نبـضـك زهــر أرضــك وأنــت؟! ايــه تملكـنـي

بنحل خصـرك ..جمـر ثغـرك وزود بلونـك الخمـري

تتـوهـنـي .. تغـرقـنـي.. ومـــن بــــردك تـدثـرنــي

وتبكـي لـي وتشكـي لـي ولـه قلبـك ومــن سـحـري

أبـي دموعـك مـع أنفاسـك بـصـدق الــود تحرقـنـي

وأبـي عطـرك مـع سحـرك وآهـك بالحـشـا تـسـري

أبــي همـسـك يبعثـرنـي غـــلا ولـمـسـك يلملـمـنـي

وأبي عيونك مـن عيونـي تـذوب مـن الولـع كثـري

وأبــي عـهـدك مــع وعــدك وأبــي كـلـك تسلمـنـي

أبــي أيــدك تسـافـر بـــي وزهـــر قـــدك يلحـفـنـي

وأهيم بعالمك عاشق جنوني أنت .. وانت بي تدري

تشـوف الجمـر بعيونـي؟! تشـوف الشـوق جننـي؟!

أجـل تـدري مثـل مــا أدري بـأنـك حلـمـي يـابـدري

حبيبـي قـوم وصارحنـي عــن احسـاسـك وعلّمـنـي

أنا أطري على بالك ؟! كثر مـا أنتـه علـي تطـري؟!
شعر غزلى جديد وجميل جدا مابقى الا سـود الايـام تحرمـك الرقـاد
كيف الاوهـام اتجـرأ اتسريـك مغبـون
من متى تجزع من الدمع وتخاف البعـاد؟
من متى تقفي بك ظنون وتجيبك ظنـون؟
صرت تاخذ كذبتي صدق، ومزاحي وكـاد
لو بقول اني بخونك تحسب انـي بخـون
ماتعرف ان كل شاعـر يهيـم بكـل واد؟
وانهـم دايـم يقولـون مـالا يفعـلـون؟
ابك انا لاقلت ابنسـاك وانكـرت الـوداد
والله انـي مانسيتـك وولاهـم يحزنـون
من جزع من صفعة الشمس يطمع بالبـراد
ومن فقد وجهاته الخمس يلقى بك ركـون
اعتبرها هفـوة انسـان او كبـوة جـواد
لو بتسمح فانت غالي ولو تجـرح تمـون
عـد صداتـك مـروة وطعناتـك ضمـاد
خلهن لاراحـن طعـون ولا ردن طعـون
خنجرك يستاهل الطعـن ومتونـي شـداد
ومنك يازين الخناجر ويا بخـت المتـون
ردلي حنيـة المـزح باحسـاس الجمـاد
خلنا واحد يجي صلـب والثانـي حنـون
موت فيني واندفـن فيـك بثيـاب الحـداد
وان حييت أموت لرضاك واحيا بك بهـون
مره ارقد بالكفـن وانـت ترقـد بالمهـاد
ومرة ارقد بالمهد وانـت ترقـد بالكفـون
ادري ان شجونك شجون واعنادك عنـاد
والبلا ان عنادك عناد وشجونـك شجـون
ربك اللي سخرك لـي تقـود ومـا تقـاد
والله الخالـق ولله فـي خلقـه شــؤون
ازرع ضلوعي من رضاك وابشر بالحصاد
لعنبو من جيت ترضيـه وتـرد امحـزون
بس تسوالك بلـد ؟ قـول تسوالـك بـلاد
انت كـل العالـم بكـون ولحالـك بكـون
مابعـد محبتـك حـب ومـرادك مــراد
غير كونك سيد حشاي تدري من تكـون ؟
نعمتين اختصوا الخلق من جـود الجـواد
كافل الأرزاق مـن حيـث مـالا تعلمـون
البنـون ونعمـة المـال بعيـون العبـاد
زينة الدنيا بـلا شـك فـي كـل العيـون
مثل زينة دنيتي بـس عنـدي شـي زاد
من عرفتك صاروا المال وانـت والبنـون
انتشي بك نشـوة التيـه لعنـاق الرشـاد
وافزع الك فزعة القرم لشهـاب الزبـون
واحصنك تحصين الأرزاق عن درب الفساد
واعشقك عشق المظاليم لفراق السجـون
لو تزيد الشـوق جمـرة تحولنـي رمـاد
لو يزيد العشق شعـرة بوصـل للجنـون
خـل هقواتـك كبيـرة ونظراتـك بـعـاد
كانك انت بكبرك تهون من اللي ما يهون ؟
ازعلك وارهن حياتي تحت رحمـة زنـاد
تهبى لا والله الا انـت والمـوت تهبـون
عاد اذا ما ارضاك هرجي ولا اللي قلت فاد
انـنـا لله وانــا الـيـه راجـعــون
وانت باكر بتعـرف علـى نـاس جـداد
والكلام يجيك من كـل شكـل وكـل لـون
لاتحسب ان كـل كلمـة بتسمعهـا وكـاد
ولا تصدق هرج شاعر وتخدعك الظنـون
دايم اعرف كـل شاعـر يهيـم بكـل واد
وان هـم دايـم يقولـون مـا لا يفعلـون
حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنـون



دثريـنـي يامنـيـره زمليـنـي يامـنـيـره
يامنيره فـي فـوادي فـرخ عبـدٍ طـق زيـره
من هنوفٍ صوبها راع الهـوى يشعـب بعيـره
سيـدة سـادات قـومٌ سـادةٌ أبـنـاء ســاده
من بهاها يامنيره ويش أوصـف ويـش أخلـي
في جبين الطهـر منهـا بـدر سبتيـن متجلـي
هالـةٍ دون المصلـى أخلفـت وجـه المصلـي
في محاجرها عقيد القـوم يومـي بـه جـواده
الحجـاج هـلال ماهـو فـي أهلتـنـا مقـيّـد
من يشوفه قبـل لا يبـدي هـلال العيـد عيّـد
لا متى والموت حدر رموشهـا السـود يتصيـد
لا متى ذبح البشر عند العيـون السـود عـاده
دوب يانـع وردهـا فـي روض لبتهـا تفتـق
في سحر منطوقها صرفٍ مـن الـراح المعتـق
وكن ظفايرها علـى الغـره ليـا قامـت تنتـق
خدم أسودٌ وقـوفٌ حـول بنـت البيـه غـادهٌ
ياوجـودي يالزبـاد الزبـد يالبيـض المقشـر
يوم حازت من أمامـي عمـد وأحمـر المؤشـر
مـا أنـا إلا أخـو عقـمٍ بمـولـودٍ مبـشـر
من سروري يوم أعانق طيفها فـوق الوسـاده
كن أصابعهـا مـن العنـاب أو بسلـن عراقـي
أو غلا أحشامٍ مجفـف أو قنانـي خمـر ساقـي
وكن ترايبها صحاف التـرك حمـران الطواقـي
في سنا نور رقبتهـا ذابـت أكثـر مـن قـلاده
فتنةٍ من شافها في جو سابـع عـرش عـرّش
كاد ناعم ثوبها فـي جسمهـا الغـض يتحـرّش
مرحبـا يامرحبـا يامرحبـا بالطـش والـرش
بالحرير الحـر والغـرو الغريـر الغـر عـاده
كل مـا تكبـر تزيـن وكـل مـا تقـدم تجـدد
كن نحرهـا مـن وراء بوابـة الثـوب يتهـدد
حجم ناحل خصرها فـي ردفهـا لاجيـت أحـدد
حجم نقطة نون داخل نـون مـا تقبـل زيـاده
بيـن خصـرٍ إشتـراكـيٍ وردفٍ رأسمـالـي
ويل ويلي شيب عيني طر جيبـي ويـل حالـي
كل غضٍ فـي نحرهـا شايـفٍ نفسـه معالـي
والثنينيـن بصراحـه يستحـقـون الإشــاده
كن عايـم صدرهـا فـي وقفتـه قـرمٍ ينـادي
في خضم المعركه هل مـن مبـارز أو معـادي
من غروره يعتبر كل مـا نقولـه فيـه عـادي
يامصابيح الرواهب مـن بياضـه فـي سـواده
من مـزاج الزنجبيلـه فـي شفـاه السلسبيلـه
أورد الساعـي كليـبٌ حتفـه نظـم الجليـلـه
جمـرةٍ فـي روح تمـره ضيعـت أبـو دليلـه
قايـدٍ حـاذاه قايـد ريـم وأنـسـاه القـيـاده
مـن ليونتهـا كـأن مالـه ولا عظـمٍ جسدهـا
ومن نعومتها تخاف خدودها مـن لمـس يدهـا
ومن كثر ما مشيها جذاب مـا تمشـي وحدهـا
ومن كثر ما جلدها صخيفٍ تحب اللبـس سـاده
ويش يسوى المسك وأبو المسك مع ريحة عرقها
يوم ذبت شالهـا وأهتـز فـي الملعـب حلقهـا
مـا كـأن الله مثـل باقـي مخاليقـه خلقـهـا
فتنةٍ كانـت طقـوس القصـر تعبدهـا عبـاده
لكم احلى الامنيات يابو شاعر وتوفيق في الحيات انت وباقي الاعضاء اخوك المحب شاعر احزاني وتذكر ان احنى شعراء نقول مالى نفعل

__________________