--- يوميات مدكن --- ( الحلقه الثانيه) مميزززززززه

بسم الله الرحمن الرحيم
السلام عليكم ورحمة الله وبركاته


نورد لكم الحلقه الثانيه من يوميات مدكن

طبعا المدكن كعادته يصبح مقهم قدام باب الدكان وبجنبه الشاي والقهوه والتمر

وطبعا الرشبه اذا هو فاني كحالة اخينا المدكن

في هذه الحلقه ساطلق على المدكن اسم( ابو حسين)

الحوار اليوم بين ابو حسين وابوعلي احد اصدقاءه


ابوحسين: ملتهي بالرشبه يهايم يبا له بوري الا واقبل عليه ابو علي

ابوعلي : سلام عليكم

ابوحسين : وعليكم السلام ------ ادني ادني عمرك لنته تبا شي لك صيني قهوه

ابوعلي : ملبنه ولا سوداء

ابوحسين: ساكت

ابوعلي :وراء ماترد علي

ابو حسين : اجلس فقدت قهبوبك خذ لك صيني عادك با تشرط

ابوعلى : قدك باتخرج ذي الصيني القهوه ذي با تدينياه ثالث اباطي زعار ومناكفه

لكن حكم الله بالجلس الللل الللل اللللل يارجيل ابو علي

ابوحسين : اجلس كبيبه من سمعك بيقول جيت مشي من قابل

ابوعلي : خلني اتورض وبا خص لك

ابوحسين : ها خص واشقد معنا

ابوعلي : مدري وش عبز بي اليوم وقلت يابو علي لا تسرح اليوم السوق في السياره

دقها رجل منها تتنشط ومنها تتفقد المطارح ذي عالطريق لك زمان ما مريتها

ابوحسين : جلوس متنبين للمصروف ذي باتجيبه فقدت راسك ازقر ازقر الصيني

ابو علي : باتخليني كمل ولابفسح (لا تقع .......... المهرى)

ابوحسين : كمل كمل الحاصل لك انه با يضلي يوم عفي ونحن اصطبحنا بوجهك

ابوعلي : خلاص انا افسحت معاد بتكلم انا قد قلت لك انك باتخرج ذالصيني ثالث اباطي

ابوحسين : خلاص كمل كمل والله معاد ادي لغه

ابوعلي : قل يابوي مانا عبرت في وسط ذالمطارح واحد واحد واتحسفت ذي عبرت

ابو حسين : ليه عسى متعاطلت انته وحد في الطريق

ابوعلي : عطل عملك معجلك عالمشاكل هوشي باتجيك ريضه لما انا كمل كلامي

ابوحسين : مغير وراك اتحسفت ذي عبرت

ابوعلي : ياخوك معاد شي مطارح الدنيا مهبيه ماتحصل واحد لادم تصبح نيام لعاد شارح

يشرح ولا ساني يسني ولا راعي يرعى ولا بتول يعمل لادم تقول موتى

حتى المكين ذي قرت تصبح تخرع قلبوها للكهرباء وافسحوا في البلاد

والبلاد حمراء تعمي النظر ولا عاد تشوف سوم ولا رزيمه

اعوذبالله وش حصل للادم

ابوحسين: من سمعك بيقول تصبح زاقر الخريره هههههههههههه

ابوحسين : اسمع يابو علي تبا الصدق مدري وراء وادينا اتغيرت لادم فيه تشوف لادم

تمشي وهي تكلم اعمارها تمر جنب الواحد وتسلم عليه ولا هوداري ان حد مر

من جنبه

ابوعلي : تلاقيه يفكر في حق القات منين بيجيبه

ابوحسين : والله انك قلتها ربي بلانا بذا الشجره الخبيثه دمرت لادم من كل جانب

فلست بهم واتلفت صحتهم شيبه وشاب

وعادك تباهم يصبحون شراح ----- يقولون ذا القات يخلي لادمي يمسي مع
الطيور لا ينام ولا ينوم ولا جاء وقت صلاة الصبح انجفر مافي عينه قطره

( الشيطان عفر به ) هاواصبح فاتح............. لما صلاة الظهر وبدل ما يجري

للمسجد يصلي جريه لا سوق القات وعلى ذالدقه كل يوم

لكن ياخوك يابوعلي وراء العقال سكوت على اصحاب القات وراء

ما ينعجون ابوهم وينقذون لادم من البلاء

ابوعلي : اهي اهي بنك ماقط شفت متاكيهم مكبرها ادني ادني الرشبه باسبر

فقدت ذالدرشوم وابعد مني اخرجنا من هرج السكن ذا

ابوحسن: ذلحين قده هرج السكن وراءك يوم ذكرنا في العقال انتسفت ريتك

هههههههههههههههههههههههههههههههههههههه

دمتم بخير ------- ترقبوا الحلقه الثالثه