السلام عليكم ورحمة الله وبركاته
ناقتي ياناقتي مـا عليـك مـن الهـروج
صيحتين في قفا الذيـب يقفاهـا العجـاج
العدل يبقى عدل والدروب العـوج عـوج
والعمى من لامعاه من فعـل كفـه سـراج
يا مكثرت الحكي والفعايـل عـوج هـوج
ما يحذف الناس من كان بيته مـن زجـاج
يا حمد طير(ن) جناحه ورا صدري يـروج
وش اسوي كانه أفلت من ضلوعـي وراج
مولدي في أرض عبقر من العام محجـوج
أنشدوا عن مولدي ليلة الحج ألـف حـاج
المطالب يا حمد دونهـا ضـرب الفجـوج
دونها شرب قـراح مثـل شـرب قهمـاج
ماثنوا عزم ابن عباس أصحـاب البـروج
لين زوجها من أعزب حدب سيفـه زواج
والدهر معنى دخوله مـن الداخـل خـروج
والله لا زبـن دخيـلًَ ولا سنـع خــراج
يا حمد لا تآمن الجدب في خضر المـروج
مزنة العذب الفرات أمطـرت ملـح آجـاج
ولولا قولة والنعم معتلوا فـوق السـروج
أمةً قبلـك خبـر حيهـا فـي الارض داج
لا تعجـب مـن علـوج توطتهـا علـوج
والله أن الشـر للشـر أحيـانـاً عــلاج
في جنوب أفريقيا البيض ياطـون الزنـوج
وفي شمال أفريقيا البيض ماترفـع حجـاج
ابترفع عن رجـالاً عـن الهينـه تـدوج
عالمً رامت مرام الصقـور وهـي دجـاج
قيصر من فوق غوج وكسرى فوق غـوج
والجماعة بينهـم راكبيـن فـوق صـاج
وش نبي في هامةٍ همهـا ضحكـة غنـوج
أو قيامـة قامـةٍ ماتقـوم عـود عــاج
احمد الله يوم لي من خيال المـوج مـوج
اركبه لا هاج سيف البحـر تحتـي ومـاج
ماتصفحـت الليالـي تصـفـح كاتـلـوج
لين مع كل حادث(ن) ذي حدث عشته مزاج
العقيله ماتبـي غيـر ابـن حربـان زوج
يوم حاجات الذيابـه غـدت عنـد النعـاج
ساقي النشوه لها من خـروج فـي ولـوج
كم انـا للصحـو منهـا شديـد الإحتيـاج
يا حمد مسيار ربعـي علـي فـوج فـوج
غايتي يوم الـردي غايتـه نجمـه وتـاج
ناقتي ياناقتي مـا عليـك مـن الهـروج
صيحتين في قفا الذيـب يقفاهـا العجـاج