عضو نشيط
Join Date: Aug 2008
Location: المملكة العربيه السعوديه
Posts: 99
Rep Power:
73
حبــ.. ذو.. رآئـــحـه كريهه..!! ((للنقاش الجآد))
حبــ.. ذو.. رآئـــحـه كريهه..!! ((للنقاش الجآد))
--------------------------------------------------------------------------------
:حينما تغلف أعيننا السراب ماذا يحدث..؟!
مقدمه:
اللي تركنـي وانا في عــــز غربــــالي..! »«
بعد الشدايـد.. وش ذكره فينـي..؟
يبــــغى زمــــآنه يعود..ويرجع الغــــآلي..!!
وشلون يرجع..؟..بعد ماطآح من عينـــي..! »«
لا الــــوقت وقتـــه..!
ولا لــــه شي في بالي..! »«
انا نسيتـه مثل ماكان
نآسينـــي..♫♪♪ ♫
الحيآه مثل ماتعرفون طويله وعريضه شفنا فيها الزين والشين وذقنا منها الحلو والمر
ومشينا على الحرير والشوك
محد يقدر يقول حياتي كلها تعاسه وهم وبعد محد يقدر يقول حياتي كلها سعاده وفرح
لأن المثل يقول:
[مثلما تفنى السعاده هكذا تفنى الهموم ]
واكيد ما دام إننا بشر وبأعماقنا قلوب تنبض شي طبيعي نحمل بداخلنا مشاعر واحاسيس مرهفه
واكيد الكل يمر بمزيج من الإنفعالات يوميآ..
غضب..حزن..ملل.. شوق..فرح ضحك..وغيره
لكن أسمى وأنبل هذي المشاعر شي يسمونه الحب
وأكيد الكل جرب الحب وعاشه
لكن مو هذا موضوعي
أنا حاب اتكلم عن شخصيه قتلت وشوهت الحب بإحترافيه مطلقه..
تخيلوا معي وعيشوا شوي الكلام اللي بقوله..
أثنين حبوا بعض وعاشوا فتره بوسط دفا الحب هم بالأساس تعرفوا عن طريق النت لكن إندفاع المشاعر خلا هالأمر يتطور ويوصل لأبعد من النت والشاشه
صاروا يتكلمون مع بعض على الجوال بشكل شبه يومي وكبرت علاقتهم وبعد كبر الحب بينهم مع العلم إن البنت كانت هالتجربه تجربتها الأولى في الحب والرجال مايحتاج اقول جرب ألف بنت بس هي كان يشوفها غير وهي فعلآ كانت غير وكان هو اول شخص تثق فيه
مر الوقت ودارت الأيام
والأوضاع بينهم كانت عال العال لكن الرجال تغير شوي وصار يخاف على البنت من نفسه وقال لها خلينا نبعد بالمعروف مثل ماأبتدينا بالمعروف هو لحظتها ماكان جازم إنه يبعد ويتركها لكن حب يبين لها إن القدر مستحيل يجمعهم في يوم ومستحيل يكونون لبعض البنت بما إنها عاطفيه بكت وتأثرت كثير
هي مقتنعه إنه مو لها لكن بنفس الوقت صعب عليها فراقه ابعدوا عن بعض فتره والبنت قررت تنساه برغم حبها الجارف له
كل واحد فيهم كان يكويه الشوق لكنهم كابروا وعزموا على الفراق
بهالوقت البنت كانت كل ليله تزورها الذكريات وماتنام إلا بعد سيل من الدموع
لكن الرجال قرر يبحث عن شخص آخر ينسيه همه ماكان يدور حب لا..كان يدور شخص يسكن هالفراغ وينسيه مراره الشوق
البنت بقت على حالها ألم وبكا ووحده
لكن الرجال تطورت أموره وبدى قلبه يحب من جديد
وجمعتهم الصدفه مره فالمنتدى وشاف حبيبته تسولف مع شخص بطريقه رسميه ومحترمه لكنه أنفعل لما شافها وبدا يشكك فيها ويعظم الأمور ويتهمها بالخيانه اكيد انتم فهمتم وش غرضه؟؟
عشان إذا بدى بحبه الجديد مايحس باللوم او بتأنيب الضمير يبي يحط الخطأ فحبيبته القديمه ويطلع بصورة البريء المظلوم
البنت حست بالألم وكبر خطاها بعينها مع العلم إنها ماغلطت بس هو ببراعه اسلوبه جردها من كل شي ولبسها التهمه ظلم وطلع من الصوره..
وصارت كل ماتشوفه مع حبه الجديد يقولها انتي السبب انتي اللي دمرتي كل شي ويبقى يحطم بنفسيتها ودواليك
هو نساها وحب من جديد واعتبرها محطه عابره..
هي بقت اسيره لحبه وتحس إنها المذنبه..
الحين ابي كل واحد فيكم يحط نفسه مكان هالبنت ومكان هالرجال..
وابي كل واحد يقول رآيه بصراحه بعيد عن زخرفه الحروف والرسميات
ابيكم تعيشون الموقف وتقولون لي هالرجال شلون قدر يخون الحب اللي بناه بيده
وهالبنت وش ذنبها إذا بقت تحبه ومخلصه له وماتشوف بالكون غيره..
ضحت عشانه كثير وكسرت مبادئها لجله
وكذا يجازيها..؟! ليه يكذب عليها ويدعي إنه يبي يبعد عشان مصلحتها وهو عشق من جديد
(وما جزاء الإحسان إلا الإحسان)
1_ ليه الرجل اكثر قدره على الخيانه من المرأه..؟
2_ليه الرجل مايكسره الحب ولا حتى يلوي ذراعه..؟
3_ليه الرجل مايقدر يكون مخلص طول العمر..؟
4_ ليه إذا حس إن المرأه مستعده تضحي عشانه يضحي فيها..؟
5_ ليه يقدر يطوي الماضي بسرعه اكثر من المرأه..؟
هذه تساؤلات تحتاج اجوبه صادقه من اقلامكم
فلا تبخلوا بنزف حروفكم
04-29-2009, 04:06 AM
Similar Threads
Threaded Mode