في هجوسي دق ناقوس الخطر

[poem=font="Traditional Arabic,7,purple,normal,normal" bkcolor="silver" bkimage="" border="none,4," type=0 line=0 align=center use=ex num="0,black""]
مرحبـا واهليـن بالشعّـار والـذوق الرفـيـع=يوم قل الذوق عند النّـاس فـي هـذا الزمـان
يوم كلٍ طبّ جـوف السـوق يشـري مايبيـع=ارتفع سعر الهزيلة .. وانخفض سعـر السمـان
والطعام الدّسْـم ولّـى مابقـى غيـر الضريـع=مايفيد ولا يسـدّ الجـوع .. وايضـرّ اللسـان
صارت الدعوة حـراجٍ بيـن بايـع مـع شفيـع=والـذي مالـه شفـيـعٍ مايحصـلّـه مـكـان
ماستمعنـا بالهزيلـة لـو تغنّـا ابكـل ريــع=بالحناجـر زيّنوهـا: ليـلا دانــا لـيـلا دان
لو تُسلّط حولها الاضـوا واشـاد ابهـا المذيـع=حيّو افـلان الفلانـي .. ثـمّ حَيّـوا هالفـلان
مايهز القلب غيـر الذيـب بالصـوت الرفيـع=لا تعّلا فوق رجمه مارتضى صـوت الطمـان
يعتلي فوق النوايـف مالـه ومـال الظبيـع=سجّ رجله في دروب العـز .. طّـلاق العنـان
رافعٍ صوتٍ صليبٍ .. من ظهر ذيـبٍ شجيـع=صوتٍ ايشيل المعاني فيـه مـن سحـر البيـان
ذاك صوتٍ فاقـدٍ هالوقـت جمـعٍ لـه سميـع=هكـذا حالـه تـردّى // رحمتـك يالمستعـان
الخريف اليوم في عين العرب : ( فصل الربيع )=وافطروا عيد الفطر من قبل لا يقض ارمضان
هكذا حال البشر .. ياوينه الصـدر الوسيـع=يقبل الواقـع .. ولا يجـري ورا كـل احتقـان
ضاعت العالم مابين الشـرّْس والحمـل الوديـع=كـل واحـد حـد سيفـه ثـم قفّـاه السـنـان
لاقمـر ساطـع ولا شمـعٍ بنـورٍ لـه يمـيـع=الظـلام ايسـود .. وايعـمّ المغامـر والجبـان
والوداعـة لـو يقـلّ الطيـب تبقـى ماتضيـع=دام سطح الارض يمشـي فوقهـا ذرب اليمـان
والنواقـص مانفتّـش خرجهـا عيـبٍ شنـيـع=مالهـا معنـا مجـالٍ .. لاعهـود ولا ضمـان
في هجوسي دق ناقوس الخطر: يقـرع قريـع=من حدود ابقيـق يقـرع ليـن ياصـل لحلبـان
هكـذا رمّزتهـا .. والرمـز جايـز للجمـيـع=للفتى الحق ابرموزه .. دام بـه قلـب ولسـان
والختام ازكى صلاتي لافضل الخلـق الشفيـع=للرسول الهـادي اعدادالجمـوع إنـسٍ وجـان [/poem]



هزاع الأزلــع
مما راق لي