مرض قلب

قصيدة للشاعر صالح بن حسن بن عوير العبيدي
رحمة الله عليه


على الهون يادكتور عاد العروق تفور

تريض عسى تبرد شرايين فواره

ومن بعدها مسموح تكشف على المذكور

على قلب صالح وانتبه تكشف اسراره

ولا باالمرافق ذي معي يعرف المحظور

واذا باتطاوعني تخليه بغباره

نظر لي بنظره كلها كبرياء وغرور

وقال انثبر نا منبع الطب واصداره

ثلاثين عام وحضرتي ف البلد مشهور

برفسور متخصص في القلب واظراره

وقلت اعتذر ماكان قصدي عليك اقصور

وحضرت جنابك له مقامه ومقداره

تفضل ولاتزعل وخطط ولص النور

وشقيت ثوبي ما انتظرت افتح ازراره

بدا يعمل التخطيط للنبض دور بدور

وينظر لدقاته بنظرات محتاره

نظر للممرض قال ناولني الناظور

وبان المخبا عبر شاشات منظاره

نظر لي وعينه تذرف الدمع دون اشعور

وظغطه نزل واقواه بلحيل منهاره

جلس فوق كرسيه وهو بلعرق ممطور

ثنعشر دقيقه ما رفع مني انظاره

وقال الممرض خير وش صار يابرفسور

علامك غشاك الحزن واقواك منهاره

وقال اعتذر ذي شفت مامر في دستور

ولا جاتني حاله تشابه لمعياره

وفزيت من ع التخت ثم قلت له مشكور

حصل خير يادكتور لي نفس صباره

وحطيت يدي فوق كتفه وهو مقهور

وحاول يواسيني ويشرح لي اعذاره

تبسمت له واردفت معذور ثم معذور

وعسى الخير فيما قددر الله ومااختاره

وانا داري ان مافي امل حضرت الدكتور

ولا لي دواء في معجم الطب واقطاره

وما كنت ناوي جيك لاكن حلف منصور

صديقي زقل جاهه وانا ضيف في داره

وناظرت في منصور وان خاطره مكسور

ولو جت مطافي ماتطفي لهب ناره

واشرت له نمشي وسلمت ع الدكتور

وكررت له شكري على جهود جباره

خرجنا من المشفى وسرنا بجنب السور

وخايلت في منصور وامسكت بيساره

نظر لي وعبراته تغرغر في الحنجور

وب الشال يمسح دمعة اعيون مطاره

وقال اسالك بالله تكشف لي المستور

شف الهم يغزيني بغاره قفى غاره

وقلت اشهد انه مابقى بينا مسرور

شف اعلاج قلبي صعب ع الرجل مشواره

شبيه المها عذب القناء اللؤل ذي منثور

من اخدودها بدر السماء يعكس انواره

محبة وفاء واخلاص ماتختلط ب الزور

على العز والناموس والطيب تذكاره

وب العهد شيدنا المحبه ثنعشر دور

من الصدق ساسه والوفاء باقي احجاره

وانا ما اقصد انه صعب من خوف ولا جور

ولا يرتقل ساقي فلا انويت لدياره

ولاكن بيني نا وياهم حدود وصور

سلاح الحدود اطقومهم ديم دواره

ولا جيت با آشر يقولون لي مقصور

وتجزع ثنعشر شهر والقوم قصآره

وبعد السنه يفتك قصرانهم ب الشور

يقع صلح ليه شهر مدبوش ف اوصاره

ترى ذا المرض والطب يا صاحبي منصور

وعسى الخير فيما راده الله وما اختاره

الله الله ما ارووعها وما اجزلها من قصيدة
فعلا درر اذا أحد يعرف قيمة الدرر
صح الله لسان شاعرها بن عوير والله يرحمه ويغفر له فصاحة شاعر كبير. .
سلمت يداك ي الرعد
وسلمت لنا اناملك على هذا النقل الثمين
تحية لروحك ب المسك

قصيده بأنفآس حزينه
أصاب الفرح قلبك يالرعد
وأنار الله دربك ع الإختيار ~

بن ياس

الحلى كله


سعدت لتواجدكم
يعطيكم الف عافية
منورين

صح لسان بن عوير
وسلمت يداك يالرعد على النفل

ويعطيك العافيه