الا يالله عفوك لا معي بيجر ولا جوال
 

الا يالله عفوك لا معي بيجر ولا جوال** ولا عندي وظيفه والتجاره فاشلٍ فيها
قصيده فيها نوع من الفكاهه للشاعر / سعد بن جدلان وحبيت اشارك بها
عسى ان تنال شئ من رضاكم..

الايالله عفـوك لا معـي بيجـر ولا جـوال
ولا عنـدي وظيفـه والتجـاره فاشـلٍ فيهـا
ولا عندي شهاداتٍ ولا حرفـه تسـد الحـال
ولا حـظٍ كبيـرٍ لااخطـت الجـره يقديهـا
مخابي الثوب تومي مادخلها من زمان ريـال
بهـا فاتـورة الكهـرب ولا يمـدي اقضيهـا
على ذيك العراوي تتعب الحادي مع الجمـال
ثلاث شهـور فالورشـه وشهريـنٍ مغطيهـا
ابيها لو تجمل يـوم واجلبهـا علـى الـدلال
يجيها واحـدٍ حظـه مثـل حظـي ويشريهـا
نصيت العسكريه يوم قالـوا للنظـام رجـال
وقدمـت الملـف وصورةٍمتشخـصٍ فيـهـا
اخذ الاوراق مني واحدٍ مـا عنـد ابـوه دلال
سلوم الناس واهل المعرفه والطيب مخطيهـا
قراها في دقيقه والتفت عجـلٍ علـي وقـال
شهادتـك العظيمـه ياولـد ويـن مخفيـهـا
هزيت الراس ماعندي تقول اني مـن البنقـال
وقمت احـب خشمـه واطلبـه بالله تمشيهـا
حذفها من يده شين الطبيعـه والنبـا والفـال
وقال ازين تعـود صـوب نوقاتـك تعشيهـا
تناوشته من الكرسي وعقت الحل والترحـال
وضربته بالبيالـه عقـب مابيحـت شاهيهـا
خذوني للسجن لانيـب لا ظالـم ولا محتـال
مجرد واحـدٍ جـا يكحـل عيونـه فيعميهـا
ويومني خرجت اقفيت لارض الله وسيع الجال
علـى بــرٍ يــداوي العـلـه ويبريـهـا
ادور قصعة الجربوع والضب الفتـى يحتـال
والارنب ياشقاة الـروح محلاهـا وطاريهـا
بلا كهـرب ولا بيجـر ولا غـاز ولا نقـال
قوانين الحضاره لا تبـي شوفـي ولا ابيهـا





منقووووووووش

والارنب ياشقاة الـروح محلاهـا وطاريهـا
بلا كهـرب ولا بيجـر ولا غـاز ولا نقـال
قوانين الحضاره لا تبـي شوفـي ولا ابيهـا
يسلم من قال وتسلم اخي فوق النخل على النقل

مخابي الثوب تومي مادخلها من زمان ريـال
بهـا فاتـورة الكهـرب ولا يمـدي اقضيهـا

صح لسان الشاعر وتسلم اخي فوق النخل على النقل

صح لسان الشاعر وسلمت يمينك على النقل
بنتظار الجديد من ابداعاتك
تحياتي لك

يســــلمك ربي ياغالي
ويسلم راعي القصيدهـ

عن جد كلمات القصيده بسيطه
بس بنقس الوقت جذابه

تحـــــــ اول مشاركه ــياتي

صح لسان الشاعر وسلمت يمينك على النقل
بنتظار الجديد من ابداعاتك
تحياتي لك