منتديات شبكة خورة العربية - إذا كان الفرح يرسم على وجه الشقي حاله

منتديات شبكة خورة العربية (http://www.khorh.net/vb/index.php)

- قسم الشعر وهمس القوافي (يمنع المنقول ) (http://www.khorh.net/vb/forumdisplay.php?f=19)

- - إذا كان الفرح يرسم على وجه الشقي حاله (http://www.khorh.net/vb/showthread.php?t=54333)

إذا كان الفرح يرسم على وجه الشقي حاله

http://www.s3udy.net/pic/decoration001_files/1.gif

إذا كان الفرح يرسم على وجه الشقي حاله
علام الأرض ماتقوى تحمّل مشيتي وخْطاي

غشى بحر الفرح صدري وخذاني اليوم في جاله
وبديت آحس ما بالكون يسكن عاشق ٍ شرواي

رجع لي خلي الغايب بعد ما حرّم وصاله
وأنا اللي طول هجرانه جرحني وأيّس برجواي

صحيح إنه رحل عني وترك قلبي على فاله
رحل وأتلى العهد منّه/ طلب أنساه/ وقولة: باي

رجع لي وخابر ٍ قلبي يحبه فكل أحواله
رجع لي والسبب أدري صفا قلبي وطول دعاي

وأنا كالعاده أتناسى قسى طبعه وغرباله
عشانه بس مايندم إذا حس بكثر شكواي

رقص حتى القلم فرحه وسطّر مابدى فباله
وأنا اللي ربعي من اسبوع ملوا من كثر مغناي

تعالوا ياعشاشيق الطرب غنوا لي مواله
أبعزف لجله أبياتي وأخلي له قصيدي ناي

تعالوا صفوا بجنبي ونوقف كلنا قباله
رجاء ً مع بعض وبصوت واحد ردّدوا وياي:

هلا باللي كثر حبّه ينسّيني قسى أفعاله
هلا بالقلب/وعروقه/ونبضه/والنفس/والماي

يقولوا أصحابي ف(خلي) رجع في وضع يرثاله
وقالوا فرصه وجتني عشان أحطه بمخباي

وأنا ادري الحِسْد ذابحهم وكل ٍ قال ما قاله
عصافير الشجر طارت وأنا عصفوري بيمناي

وزنت الناس في كفه.. ورجح في كفه لحاله !
غلاته لا بغيت أوصف مداها ترتبك أعضاي

أحبه حب لو أحلف ف(ليلى) قيس ما شاله
أحبه موت ياعالم وأنا داري بكبر بلوااااي!

وأنا ياسامعين الصوت لو كانت بها ثقاله
أمانه لا تلوموني إذا - مليتوا- كثر غْناي

م/ن