|
(تشكي فراغ العاطفة) الجزء 1
بسم الله الرحمن الرحيم السلام عليكم ورحمة الله وبركاته ـ تم القبض على مجموعة من الشباب والبنات في أحد الاستراحات وهم في حالة سكر وصور غير أخلاقية ووضع مخل بالشرف والدين، تتراوح أعمارهم بين العشرين والثلاثين، وقد تمت عملية القبض يوم الـ..... الساعة التاسعة صباحاً، ولا يزال الـ.... ـ الأم: بس بس، لا تكملي، لا حول ولا قوة إلا بالله، الله يستر على عيالنا،، ـ نهى: والله فضيحة، فين أهاليهم ! هذا وحنا في بلد أسلامي !! ـ الأم: بس الشيطان ما مات يا بنتي، يعني بلاه عالكل، مسلم وغير مسلم. ـ نهى: والله جسمي يكش لما أسمع أخبار زي دي،، ـ الأم: أقوم أطبخ الغدا أحسن ،، ـ ترن ترن ترن ترن ترن،،،، ـ نهى: ألو ؟ مين؟ ـ أشواق: نهى، أنا أشواق، أقلك، قريتي الخبر ! ـ نهى: حق الاستراحة؟ ـ أشواق: إيوه، والله مصيبة،، ـ نهى: خليهم يستاهلوا،، ـ أشواق: وي! ما تدري مين فيها كان ؟! ـ نهى: أحد نعرفه ؟ ـ أشواق: واو، كان فيها هنادي، وليلى، وسامر، ونص الشلة معاهم، ومجموعة ما نعرفهم،، ـ نهى: بالله جد ! هنادي حقنا ؟ ـ أشواق: إيوه والله،، مسكينة، مالها في الأمور هادي، بالقوة أقنعوها تطلع معاهم، وجت على راسها، ـ نهى: يا ويلي، حزنتيني والله،، أهلها ما يرحموا،، وحياتها حزن في حزن وهم،، ـ أشواق: والله مسكينة،، بس زي ما يقولوا الشر يعم،، ـ نهى: يا ترى كيف حالتها دلحين ؟ الله يستر،، ـ قسم التحقيقات ـ ـ الشرطي: مين باقي ؟ ـ الشرطي 2: باقي وحدة، بس منهارة وماهي راضية تتحرك ! ـ الشرطي: طيب، دلحين أطلع أشوفها،، ـ سمر: إشبها دي قاعدة تبكي ! كلنا فيها، متورطين،، ـ ليلى: خليها، تبكي ولا تنتحر، ما حتستفيد شي،، ـ هنادي: إنتوا السبب،، ـ ليلى: أقول، ما حد غصب عليكي،، جيتي برضاكي معانا،،لا تقعدي تولولي على راسي،، ـ الشرطي: هنادي، تعالي،، ـ رجل الهيئة: تفضلي يا بنتي لو سمحتي،، ـ هنادي: الله يخليكم،، خلوني أرجع بيتنا،، والله ماني زيهم،، الله يخليك يا شيخ،، ـ رجل الهيئة: اهدئي، الله يصلحك،، أعطيانا رقم الوالد،، ـ هنادي: أنا موافقة تكشفوا علية،، أنا لا أسكر ولا لي في البلا،، ـ الشرطي: وش جابك معاهم ! مو معقول غصبوك تجي معاهم ! ـ رجل الهيئة: يا بنت الحلال أسمعيني، حتى لو كشفنا عليك وما فيكي شي،، إنتي معاهم كنتي،ما نقدر نخليك إلا بعد ما ننظر في الأمر من كل الجواب،، ـ هنادي: يا ويلي والله،، أنا إش أسوي،، والله تعبانه،، آه،آه،آااه،، ـ الشرطي: يا عسكري، يا سكري،، خذوها قعدوها بسرعة الظاهر أغمي عليها،، جيبوا مويا بسرعة،، ـ رجل الهيئة: لا حول ولا قوة إلا بالله،، ـ الشرطي: يا شيخ، هادي شنطتها،، نشوف إللي فيها،، ـ رجل الهيئة: تفضل،، يمكن فيها أرقام بيتهم،، ـ الشرطي: فيها أدوات ماكياج، ومرايا، وساعة، وجوالين، بس مقفلة، دقيقة، في سحاب صغير داخلي! في كرت كمان،، ـ رجل الهيئة: أشوف ! هذا كرت دكتورة أمراض نفسية !! غريبة !! يمكن لها ؟؟ ـ الشرطي: نتصل عالرقم ونسأل ، ـ رجل الهيئة: ألو ؟ السلام عليكم، عيادة الدكتورة حنان الـ....، لعلاج الأمراض النفسية ؟ ـ د/حنان: وعليكم السلام، نعم، أي خدمة ؟ ـ رجل الهيئة: وجدنا كرت العيادة تبعكم في شنطة فتاة اسمها هنادي بنت ..........، ياليت لو تقدري تفيدينا إذا تعرفينها ؟ ـ د/حنان: ليش ! هنادي فيها شي ؟ لو سمحت قللي ؟ ـ رجل الهيئة: يا أختي الموضوع جداً حساس، أفيدينا الله يرضى عليك،، ـ د/حنان: هنادي تتعالج عندي، بس ما أقدر أعطيك معلومات أكثر،، هذي حياة مريض خاصة ما أقدر أعطيها أحد ، المعذرة،، ـ رجل الهيئة: يا أختي هنادي في قسم الشرطة، قبضنا عليها في قضية، وهي في حالة انهيار ووجدنا في حقيبتها الكرت، فحبينا نعرف سبب تواجده لعلنا نوصل لأحد من أهلها أو أحد يعرفها ويفيدنا،، ـ د/حنان: طيب لو سمحت ممكن تعطيني العنوان،، أنا أجي وأشوفها،، ـ رجل الهيئة: شكراً يا أختي، يا ليت تجي بسرعة، خذي العنوان ........، ـ الشرطي: خير يا شيخ ؟ ـ رجل الهيئة: تقول بتجي تشوفها،، يمكن تفيدنا،، ـ في نفس القســــــــــــم ـ ـ ياسر: والله رحنا فيها،، ـ سامر: حبس وجلد وبهدلة،، ـ ياسر: أف، أبو وليد جا،، ـ سامر: خلاص ضعنا والله،، شوية وأهالينا بيجوا،، ـ عمر: من زمان ضايعين،، مش من دلحين،، ـ سامر: هذا انته يبو سوابق،، ـ عمر: أنكتم لأطنك كف على وجهك، يا.... ـ ياسر: يا هـو، والله مو وقته دلحين، أهدئوا،، ـ وبـعـــــــد قـلــيـــــــل ـ ـ د/حنان: السلام عليكم،، أنا الدكتورة حنان الـ.......، ـ الشرطي: وعليكم السلام، أتفضلي يا دكتورة،، شاكرين لحضورك،، ـ د/ حنان: ممكن أشوف هنادي ؟ لو سمحت،، ـ الشرطي: ممكن، تفضلي،، ـ د/حنان: شكراً،، ـ هنادي: دكتورة حنان !!! إنتي دكتورة حنان إيـوه،، كيف عرفتي إني هنا ؟! ـ د/حنان: كان كرت العيادة في شنطتك، كان لازم يوصلوا لأحد من معارفك،، إش إللي صار؟ ـ هنادي: والله مالي ذنب، قلولي جلسة عادية وعدد محدود، مافي خمر ولا حشيش ولا بلا،، وبالقوة أقنعوني، وصدقتهم لأنهم شلتي وما بيضروني قلت،، ـ د/حنان: بس كنتي عارفة إنه فيها شباب،، ها،، ـ هنادي: ها ،، إيوه، وإنتي عارفة ليش، ما قدرت أسيطر على نفسي، ضعفت، ،ضعفت،، ـ د/حنان: طيب اهدئي، لا تبكي، أسمعيني، لازم أحد من أهلك يجي،، أسمعي،، ـ هنادي: لا لا لا، أرجوك يا دكتورة أرجوك، حاولي تطلعيني، الله يخليك،، ـ د/حنان: هنادي، أنا ما أقدر أسوي شي،، لازم يطلعك أحد من أهلك،، ـ هنادي: والله بيقتلوني لو عرفوا،، والله بموت،، يا ربي،، ـ د/حنان: لا تخافي، أنا بكون معاكي،،لا تخافي،، ـ هنادي: دكتورة أرجوك لا تخليني،،طيب،، ـ د/حنان: بخلي العسكري يتصل وبنتظر لما يجي أحد من أهلك،، ـ الشرطي: لو سمحتي يا دكتورة ممكن تعطوني أرقام أحد من أهلها ،، ـ د/حنان: تفضل،، ـ يـتـبــــــع ... ـ تأليف وتقديــم/ ملكوتــــي |
يعلم الله انك مبدع
كل الشكر........... |
رد: (تشكي فراغ العاطفة) الجزء 1
طرح في غاية الروعة و الجمال
لا عدمنا هذا الإبداع و التميز أسعدني التواجد هنا كثيراً |
| أ‡أ،أ“أ‡أڑأ‰ أ‡أ،أ‚أ¤ 11:53 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir