بندر المحيا العتيبي في (الصبر وين الصبر)
 

[poem=font=",6,,normal,normal" bkcolor="transparent" bkimage="" border="groove,4," type=0 line=0 align=center use=ex num="0,black""]
الصبر وين الصبر يارابط الجاش=الصبر بعض احيان مايـْوكلك عيش
مثل المحال اللي طوى حال الادباش=ومثل الظما على الكبود المعاطيش
فالصدر ضيق وينقش القلب منقاش=وتبغاني اصبر واحتسب وقفتي ليش؟؟
أصلاً انا ماجيت ابيع الهوى كاش=لو زوّدو سـعر الغلا بالبخاشـيـش
ياعنك كن الارض لي غرفة انعاش=افزع وقم رد البرى جعلك تعيـش
من صاحب ٍ خلاّ سما الفكر ينداش=اللي ينقّض ضافيات العكاريـش
اللي تركني كل ليله ومغباش=اسوق رجلي في طوال المطاريش
لاهـــوب لاناير ولانيب منحاش=ولاحصل صـّده ولــّـده وتطنيش !
قله رفيقك مبلش ٍ حاله ابلاش=عقبك حياته كلها طيش في طيش
وقله خذ عيونه غطا برد وفراش=وله بحر شعر ٍ مااسبحوه الطواويش
عسى دياره بين سجه ومطراش=لحقوق غيم ٍ مع مطرها مراهـيش
يمطر ثلاث ايام من وبل ورشاش=على الصفا وارض ٍ وطاها هشاهيش
عليه وجدي تارك ٍ قلبي عراش=ومسوي ٍ في موجة البال تشويش!
وعرق الردى في صامد الراس ماعاش=لو مرّني راع الثمان المباهيش
ولانيب لا لاش ٍ ولا اخاوي اللاش =ولاحسبت حــساب الايام بالشيش!
ياصاحبي من يوم بعض العرب طاش=يكفيني اني من شيوخ الحناتيش
هل النياق اللي عراقيبها حراش=وهل السيوف الساطيات المباطيش
واللي تثلثل فوق علباه الاعشاش=محسوب ٍ حساب الضعوف الدراويش
وهدر العماني مايقارن بالاكباش=والنصر مايفعل فعول اشقر الريش
والصدق مايطري على بال غشاش=والخبل خبل ولو مشى مع مداغيش
وعميش لوانه ظهر مثل عمـَاش=الطـيب مايحصر بعماش وعميش
الطيب واضح في عيون ٍ بها ارماش=مثل الجدي واضح على غير تفتيش
ياسعود سيّرها بمرقاب ومشاش=وشش في وجيه ٍ يمك تهوز وتشيش
خابرك انا ياعالي البطش بطاش=ياشوق من تلبس زمام ودناديش
يوم النوايا لونها كنه الشاش=عطني علوم اللي جفا يااشقر الريش
[/poem]