|
القصيده للشاعر ناصر القحطاني "الذاهبه"
سلاااااااااااااااااااااااام اليوم جايب لكم قصيدة وفاء رائعه القصيده للشاعر ناصر القحطاني ما اطول عليكم اترككم مع رائعه"الذاهبه" الله اللـي راد والعقـده قضـاها اللي عقدهــا لا على الدنيا سـلام ولا لباقـي العمـر زينــه الفضـا ما كنّـه إلا خميـةٍ طاحـت عمدهــا والفرح ما كنّه إلا شيـخٍ انـقصـت يـديـنــه والعمر قطعة زجاج إنكسرت ولا طال أمدهــا والعرب في العيـد بدمـوع اليتامـى مستهينــه والشوارع لفّـها ثوب الظـلام اللـي هجدهــا والبيوت أطـلال من عقـب المحبـه والسكينــه والشتـا والليل والبرد وسما يصـرخ رعدهــا والعيون اللـي ورا الشبّـاك مذعـوره حزينــه طوّلوا في الكهف الأصحاب وبقت روحي وحَدها كنّها في كـوكـبٍ ثانـي خـلا من ساكنينـــه الوداع اللـي بعلـم العيـن يعْبَـر من رمدهـا والوداع اللـي بـلا علم لقفص صدري غبينــه والوداع اللـي بلا رجعـه علـيّ أمـرّ وأدهـا والله إنّــه غرغرت سـمّ وسكاكيـنٍ سنينــه والعنود اللـي جفيـت النـاس والدنيـا بعدهـا مدّت الفـرقا لغاليهـا وهـي تعطـي الثمينــه وينها كيف تركتني ليـه ما جـت في وعدهــا والقمر لي طـلّ خابرها تجـي بينـي وبينــه رحت أنادي وأتلمّـس في مهـب الريـح يدهـا كني حصـانٍ بلا صاحب طوى البيدا حنينــه رحت أصيح الصبح وينه والعرب ما ردّ أحدهـا ما سمعت إلا صدى صوتي يقول الصبح وينــه كنّهم من يـوم ذيك الشمـس غابـت عن بلدهـا طلّعوني في النفـود وصكّـوا أبواب المدينــه كنّهم من يـوم ذيـك الذاهبـه محـدٍ وجدهــا كل رجـالٍ من الشرهـه قلع في الدرب عينــه أثرهـا ماتـت وماتـت كل فرحـه في مهدهـا والربيع أقفـت به اللي كانـت التـاج لجبينــه جاورت عقب الحدايق حفــرةٍ مااقسى لحدهـا حفرةٍ مانـي مصـدّق كيـف ضمت ياسمينــه للحزن فينــي مثل ما للطهـاره في جسدهــا وش أسوي لا فتشت اللي لها وســط الخزينــه زخرفت حلم وبنت له مسكـن وسمّـت ولدهــا آه لـو غــرّد ولدهـا فـي خميلـة والدينــه عاهدتني واظفـرت بيميـنٍ أقـوى من عهدهــا والصبي لا خير فيه إن كـان مـا نفّـذ يمينــه ماتِـتَـقَّـى عـن رثاها عرقٍ أكتـظ بشهدهــا ولا تبقى خلف قضبـان الجفـن عذرى سجينــه كيف عند العالم أيام العـزى مِحصـى عددهــا وإلا لي طالت شهـور والله أعلـم كـم سنينــه لا الثرى فيها نبـات ولا المشـي خفّف نكدهــا لا السمـا فيها طيـور ولا البحـر يمّه سفينــه لا القمر هذا مساه ولا العصـي هـذا رغدهــا لا الزهر هـذا شـذاه ولا الذهـب هـذا رنينــه قالوا الشيخ الفلانـي مرجِـع القـوم وسندهــا قال يبشـر بالعـوض والعلـم جينـا ناقـلينــه ساق لك بدر البدور اللـي نشدهـا من نشدهــا جادلٍ هـزّت عـروش وخيِّبَـت روسٍ ذهينــه قسمها في رسمها في جسمهـا إلا في رِشَدْهــا وأسمها إن جا للغضب قومَهْ, على الألسِنْ رِطينـه اترك النـاي وعطيـت شيخنـا غنّ لسعدهــا وانبسط يا عمْ وانسى اللي ورا التـربـه دفينــه قلـت ولصـدري تناهيـتٍ تروِّع من شهدهــا آه واويـلاه مـن يجلـب علـى قلبـي ظنينــه خلوا أغلى ذاهبـه ترعـى ربيـع اللي فقدهــا والعطـا راعيــه محـدٍ صوبـه الله لايهينــه لو ضمنت الجنّـهْ بتفاحــة القلـب وشهدهــا قلت من بكـره عسـى مجنونهـا تاقف سنينــه الله اللـي راد والعقـده قضـاها اللي عقدهــا لا على الدنيا سـلام ولا لباقـي العمـر زينــه ’’’’’’’’’’’’’’’’’’’’’’’ وسلامتكم |
صح لسان الشاعر القحطاني ... وسلمت يداااااك اخي بحر الاحزان على ها النقل الراقي .. قصيده في قمه الروعه
تقبل مروي |
|
صح لساااااااااان الشاااااااااااعر
وسلمت ايادي الناقل ابيات رائعة |
,,,بحـــــــــــــر الأحزان,,,
لله در شاعر قحطان ما أعذب كلماته وما أقوى جزاله الفاظه,, ولله درك على نقلك الرائع والجميل وسلمت أناملك يا الغالي,, ننتظر جديدك بفارغ الصبــــــــــــــر,, ,,,خالص تحيــــــــــــــــــاتي,,, |
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية . |
صح لسان الشاعر
وسلمت يمناك اخوي يعطيك الف عافية |
| All times are GMT +3. The time now is 09:39 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.