بسم الله الرحمن الرحيم
السلام عليكم ورحمـة الله وبركـآته
الله لايمسيكم ولايصبحكم الا بكل خير وعافيه http://members.abunawaf.com/g/2008/06/28/40.gif
مع حلول الإجازه الصيفيه يكثر السفر والترحال من مكان لمكان للبحث عن الاجواء الزينه وتغيير الاجواء من بعد الاختبارات والعمل طوال السنه، ويعتبر اختيار المنطقه المناسبه والوجهه المناسبه لقضاء الاجازه فيها مطلب اساسي،، ويعتبر من اهم خطوات الرحله انه يتم تحديد الوجهه السياحيه المناسبه ،، ومن حسن الحظ ان قبل كم يوم هطلت امطار غزيرة على مدينه ابها ووضواحيه وصارت ابها عروسـه من اجمل وأرق العرائسhttp://members.abunawaf.com/g/2008/06/28/07.gif فقمت بتصوير مناظر ولقطات عشوائيه وقت المطر وبعد المطر. الهدف هو ان اللي مايعرف شيء عن مدينة ابها يشوف بعض المناظر اللي تم تصويرها وترى التصوير قريب جدا يعني قبل اسبوعين من الحين وبتلاحظون في بعض الصور ان الأجواء بارده وبتحسون بالبردhttp://members.abunawaf.com/g/2008/06/28/04.gif ،، عموما الاجواء في مدينه ابها بارده ودرجات الحراره في انخفاض ومعدل درجات الحراره المتوسط تقريبا 20 درجه او تزيد او تنقص شيء قليل هذا طبعا اذا الاجواء طبيعيه والسماء صافيه ولافيه لاغيم ولا مطر؛ وبعض المناطق مثل السوده تنخفض درجات الحراره فيها الى درجات متدنيه مره يعني توصل الى 12 او 14 درجه؛ هذا الكلام في الصيف طبعا اما في الشتاء فقد تصل درجات الحراره الى الصفر.
اما اللي يعرف ابها وسبق ان زارها فأكيد انه مايخفى عليه طبيعة ابها واجوائها وجمالها خصوصا بعد نزول الأمطار ومن هالموضوع يشرفنا زيارتكم لأبها ومرحبااا الف وأاترككم مع الصور
طبعا بهالصورهـ جالس انتظر البرق يطلع ابي اصوره وهو شاق السماء شق وطلع لي هالمنظر بس وقتها الصواعق من http://members.abunawaf.com/g/2008/06/28/02.gifيميني ويساري يعني زين انها طلعت معي هالصوره
الصور الجايه التقطتها في منطقه اسمها السقا وبني ويمن قريب من محمية ريده الطريق الممتد من مدينة ابها بأتجاه السوده تبعد عن ابها تقريبا 20 كيلو او أقل غرب ويتخلل القرى بني مازن وبني ويمن ويمر بالقرب من محمية ريده المعروفه..
طبعا هذا التلفريك اللي يربط بين منتزه السوده وبين الشعبين في رجال المع يعني تركب التلفريك بالسوده وانت لابس جاكيت وبردان وتمشي بالتلفريك 7 كيلو، يعني تقريبا ربع ساعه وانت في الشعبين في رجال المع تنزل تلاحظ الفرق في الجوو تشيل الجاكيت وتدور لك على مكيفhttp://members.abunawaf.com/g/2008/06/28/biggrin.gif
