السلام عليكم ورحمة الله وبركاتة



أخترت لكم هذه النادرهـ من نوادر الغيداني ..فأنصتوا وتمعنوا ماذا قال شاعر الوصف الأول : لافي الغيداني...







غير سرداً تطوي البعد بالسرعـه طـوي



مستوي في حال .. وبحال ماهـو مستـوي



رافعـه راعيـه بأشـارة ٍ ماتنـغـوي



ورشادات الامن لـو ترتطـم والا تهـوي



كبتـن ٍ بالله وبكتابـه إيمـانـه قــوي



جابله ربي على الدين وسلوكـه سـوي



لمراوحهـا مــع الـجـو لـجـه وحــدوي



صوتهـا صـداه عبـر الفضـا يـدوي دوي



شعب ٍ أكثرهم ماهو عارف ٍ منهـو ذوي



دونهـا الاف المسـافـات تزويـهـا زوي



كن فـي روس اجنحتهـا مشاهيـب بـدوي



تحتها مـن وقـدة السمـر جمـر ٍ مجثـوي



ابلـج ٍ ليـن جنابـه لربـعـه وحـمـوي



وقامت الذكرى على القلب تكويني كوي



ودي احضـر جــوازي وادورلــي خــوي



واحـد ٍ فرقـاه شاويتـن فـوادي شـوي



لين عينـي مـن قبالـه وشوفـه ترتـوي



ذيـب حبـه بيـن جـرد المحاديـب يعـوي



لين شفته .. واشهد انه هواة المهتوي



وياسلام الله على اللي مابيله مطـروي



وكن غيره ماحتـوى مثـل ماهـو محتـوي



تلوي اعناق البشر قومتـه يمـه لـوي



شـي مـن جسمـه مرتـب وشـي ٍ فوضـوي



ليـن طـيّـح معنـويـات راس المعـنـوي



مايعرف هذا قبيلي .. وهـذاك خلـوي



ويصغر الرجال امام الجمـال الانثـوي



لو باسه باس رحمـة حيـاة بـن جلـوي








أرجو تحوز على ذائقتكم